כ"ק אדמו"ר מוויזניץ שליט"א וויילט דעם שבת אין דאוואס שווייץ אויף אפרוה.
כ"ק אדמו"ר מבאבוב שליט"א וויילט דעם שבת אין מאנטיבעלא געגנט אין מאנסי אויף אפרוה.
כ"ק אדמו"ר מפשעווארסק שליט"א וויילט דעם שבת אין ווילרייק אויף אפרוה.
כ"ק אדמו"ר מאמשינוב שליט"א איז צוגאסט אויף דעם שבת אין שטאט ביתר, לרגל די שמחת הבר מצוה פון א אייניקל. דער רבי וועט אפרעכטן דעם טיש לכבוד די שמחה אין ביהמ"ד בית ישעי' שלמה דחסידי אמשינוב אין גבעה בי געגנט אין שטאט.
כ"ק אדמו"ר מסקולען שליט"א איז צוגאסט אויף דעם שבת אין מאנטריאל, צום ערשטן מאל נאכן איבערנעמען די כתר האדמורו"ת, די תפילות און טישן קומען פאר אין ביהמ"ד מאור הגולה, בית מדרשו של אביו הרה"ק בעל ישועת יעקב מסקולען זצ"ל, די טיש פרייטאג צונאכטס וועט פארקומען בהיכל ישיבה גדולה תורת משה ד'סאטמאר.
כ"ק גאב"ד סאטמאר מאנסי שליט"א איז צוגאסט אויף דעם שבת אין די פראכטפולע פיין גראוו רעזארט אין קערהאנקסאן ניו יארק, אויף א גרויסע שבת המתאחדת אינערהאלב קהילה קדושה סאטמאר אין מאנסי, מיט די באטייליגונג פון הונדערטער אברכי הקהילה.
כ"ק אדמו"ר מוויזניץ שליט"א פון ירושלים, איז צוגאסט אויף דעם שבת אין לאנדאן, און וועט פראווענען די תפילות און טישן אין ביהמ"ד הגדול וויזניץ, אינאיינעם מיטן ברודער כ"ק אדמו"ר מוויזניץ שליט"א פון לאנדאן. שבת אינדערפרי וועט פארקומען די שמחת הקידושא רבא פון א אור אייניקל ביי די ברידער האדמורי"ם שליט"א.
כ"ק אדמו"ר מוויזניץ שליט"א פון בית שמש איז צוגאסט אויף דעם שבת אין בראזיל לטובת מוסדותיו הקדושים, די תפילות און טישן קומען פאר אין ביהמ"ד בית יצחק, פרייטאג צונאכטס וועט דער רבי דאווענען אין ביהמ"ד מאור התורה.
כ"ק אדמו"ר מוויזניץ שליט"א פון בארא פארק איז צוגאסט אויף דעם שבת אין סטעטן איילענד, בקרב תלמידי ישיבתו הק' תפארת מרדכי וויזניץ.
כ"ק אדמו"ר מקאשוי שליט"א איז צוגאסט אויף דעם שבת אין לאס אנדזשעלעס לטובת מוסדותיו הקדושים, די תפילות און טישן קומען פאר אין די חסידישע כולל יחיאל יהודה.
כ"ק אדמו"ר מתולדות יהודה סטוטשין שליט"א איז צוגאסט אויף דעם שבת אין לעיקוואד בקרב חסידיו, די תפילות און טישן קומען פאר בבית מדרשו.
כ"ק אדמו"ר מגאלאנטא שליט"א וועלכער איז צוגאסט די טעג אויף א נסיעה צו די מקומות הקדושים אין אייראפע, וועט פראווענען דעם שבת אין שטאט רימנוב אין פוילין, סמוך ונראה צום ציון הק' פונעם הייליגן רבי ר' מענדעלע און דער הייליגער רבי ר' הערש זי"ע.
כ"ק אדמו"ר מסטריקוב שליט"א איז צוגאסט אויף דעם שבת אין ביתר בקרב חסידיו, די תפילות און טישן קומען פאר בבית מדרשו אויף רחוב מוצפי.
כ"ק אדמו"ר מפיטסבורג שליט"א איז צוגאסט אויף דעם שבת אין לאס אנדזשעלעס לטובת מוסדותיו הקדושים, די אכסניא איז אין שטוב פון הנגיד החסיד ר' רפאל כ"ץ הי"ו.
כ"ק אדמו"ר מביאלא בני ברק שליט"א איז צוגאסט אויף דעם שבת אין מאנהעטן לטובת מוסדותיו הקדושים, די תפילות און טישן קומען פאר אין ביהמ"ד קהל עטרת צבי אויף פיפט עוועניו.
כ"ק אדמו"ר מלעלוב ירושלים שליט"א איז צוגאסט אויף דעם שבת אין לעיקוואד לטובת מוסדותיו הקדושים.
כ"ק אדמו"ר משבט הלוי שליט"א איז צוגאסט אויף דעם שבת אין טעלזסטאן, אויף א ערשטמאליגע שבת התוועדות "אכסוף" מיט די אינגעלייט פון די קהילה.
שמחת בית סלונים: עס איז געשלאסן געווארן די שידוך פון חתן כלה אייניקלעך ביי כ"ק אדמו"ר מסלונים שליט"א, די חתן א זון פונעם רבינ'ס איידעם הגה"צ ר' גדלי' ריזל שליט"א רב חסידי סלונים אין קרית גת, מיט די כלה א טאכטער פונעם רבינ'ס איידעם הגה"צ ר' אורי ווייסבלום שליט"א ר"ם בישיבת סלונים אין ביתר.
שמחת בית טשערנאביל – קאסאן: עס איז געשלאסן געווארן די שידוך פון א אייניקל ביי כ"ק אדמו"ר מטשערנאביל שליט"א, די חתן א זון פון זיין איידעם הגה"צ ר' יהוסף יחזקאל ראטטענבערג שליט"א ראש ישיבת עטרת צבי אין לעיקוואד, זון פון כ"ק אדמו"ר מקאסאן לעיקוואד שליט"א, מיט די כלה א טאכטער פון הגה"צ ר' חיים מאיר טווערסקי שליט"א אב"ד אוסטילא מאנסי, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מקאסאני שליט"א פון בארא פארק.
שמחת בית סאדיגורא ירושלים: עס איז געשלאסן געווארן די שידוך פון די כלה א טאכטער ביי כ"ק אדמו"ר מסאדיגורא ירושלים שליט"א, איידעם ביי כ"ק אדמו"ר מבאסטאן שליט"א, מיט די חתן א זון פון הגה"צ ר' צבי אלימלך רוקח שליט"א אבד"ק בערטש פלעטבוש, איידעם ביי כ"ק אדמו"ר ממודזיץ שליט"א פון פלעטבוש.
עס איז געשלאסן געווארן די שידוך פון חתן כלה אייניקלעך ביי הגה"צ אבד"ק ציעשנוב שליט"א, אור אייניקלעך פון כ"ק אדמו"ר מסטריזוב שליט"א, די חתן א זון פון הגה"צ ר' שלמה רובין שליט"א אבד"ק ציעשנוב קרית יואל, איידעם ביי הגה"צ גאב"ד סאטמאר מאנטריאל שליט"א, מיט די כלה א טאכטער פון הגה"צ ר' יעקב ישראל ישורון רובין שליט"א, זון פון הגה"צ אבד"ק גלאגוב זצ"ל, און איידעם ביי הגה"צ אבד"ק ציעשנוב שליט"א.
עס איז געשלאסן געווארן די שידוך פונעם חתן א זון פון הגה"צ ר' חיים שלמה ראטטענבערג שליט"א, זון פון הגה"צ אבד"ק סאלקא שליט"א, און איידעם ביי הגה"צ אבד"ק מישקאלץ שליט"א, מיט די כלה א טאכטער פון הגה"צ ר' יעקב יצחק פילאפף שליט"א, זון פון הגה"צ ר' זלמן לייב פילאפף שליט"א אב"ד מכלל יופי וחבר ביד"ץ דקהל יטב לב ד'סאטמאר, און איידעם ביי הגה"צ אבד"ק שאפראן שליט"א, איידעם ביי הגה"צ גאב"ד פאלטישאן זצ"ל.
עס איז געשלאסן געווארן די שידוך פונעם חתן א זון פון הגה"צ ר' מרדכי צבי מייזליש שליט"א, זון פון הגה"צ גאב"ד סיגעיט שליט"א, און איידעם ביי כ"ק אדמו"ר מקאסאן שליט"א פון די ניינטע עוועניו, מיט די כלה א טאכטער פון הגה"צ ר' חיים יהושע גאלד שליט"א אב"ד ליאון.
אריינצושיקן מודעות און נייעס, שיקט אן אימעיל צו NEWS@JDNMAIL.COM
