היינט קומט פאר די מעמד קביעת מזוזה וחנוכת הבית פאר די נייע יונגל קעמפ מחנה אהל יצחק ראחמיסטריווקא אין גרינפיעלד פארק, אין שפיץ פונעם נשיא המוסדות כ"ק אדמו"ר מראחמיסטריווקא שליט"א.
היינט קומט פאר די מעמד סיום מסכת עבודה זרה והתחלת מסכת בכורות במסגרת עמוד הקהילה אינערהאלב קהילה קדושה פני מנחם, עס קומט פאר אין ביהמ"ד הגדול פני מנחם אויף רחוב יוסף זיו אין ירושלים, אין שפיץ פונעם ראש הישיבה הגאון הגדול רבי שאול אלתר שליט"א.
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' העניך אשכנזי שליט"א רב ביהמ"ד אבני צדק אין קרית יואל, בן הנולד ביי זיין זון הגה"צ ר' חיים צבי אשכנזי שליט"א רב ביהמ"ד רב טוב אין קרית יואל, איידעם ביי הגה"צ גאב"ד סאטמאר ב"פ שליט"א. – די שמחה קומט פאר אין ביהמ"ד רב טוב דקיט"ל סאטמאר אין קרית יואל.
שמחת בית קאסאן: היינט קומט פאר די שמחת התנאים פונעם חתן א זון פון הגה"צ ר' פנחס שלום ראטטענבערג שליט"א אבד"ק שירת הלויים קאסאן מאנסי, זון פון כ"ק אדמו"ר מקאסאני שליט"א, און איידעם ביי כ"ק אדמו"ר משאץ זצ"ל, מיט די כלה א טאכטער פון הגה"צ ר' משה שמואל ראטטענבערג שליט"א אבד"ק קאסאן ב"פ, זון פון כ"ק אדמו"ר מקאסאן שליט"א, און איידעם ביי הגה"צ ר' אשר ישעי' רובין שליט"א מטאמאשוב, איידעם ביי הגה"צ ר' ירמי' טייטלבוים שליט"א. - די שמחה קומט פאר אין זאל קארטרייט רעזארט אין מאנטיסעלא.
שמחת בית תולדות אברהם יצחק – קרעטשניף סיגעט: עס איז געשלאסן געווארן די שידוך פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון זיין זון הגה"צ ר' דוד צבי קאהן שליט"א אבד"ק תולדות אברהם יצחק בית שמש, איידעם ביי כ"ק אדמו"ר מקרעטשניף סיגעט שליט"א, מיט די כלה א טאכטער פון הרב חיים האגער שליט"א, זון פון הגה"צ ר' ארי' האגער שליט"א אדמו"ר מאנטוניא הורדענקא, און איידעם ביי הנגיד החסיד ר' אפרים זלמן בעק שליט"א פון שווייץ.
עס איז געשלאסן געווארן די שידוך פונעם חתן א זון פון הגה"צ ר' מאיר שמואל שפיגל שליט"א אבד"ק קאלושין לאנדאן, זון פון כ"ק אדמו"ר מאסטראוו קאלושין זצ"ל, און איידעם ביי כ"ק אדמו"ר מסטאניסלאוו לאנדאן זצ"ל, מיט די כלה א טאכטער פון הגה"צ ר' שמעון יוסף שטערן שליט"א ראש ישיבת אור החיים, זון פון הגה"צ ראש ישיבת תורת חסד זצ"ל, און איידעם ביי הגה"צ אבד"ק סקולען בני ברק שליט"א. – די שמחת התנאים קומט פאר היינט נאכט אין זאל פון פרדס וויזניץ אין לאנדאן.
עס איז געשלאסן געווארן די שידוך פונעם חתן א זון פון הגה"צ ר' משה שנעעבאלג שליט"א, זון פון הגה"צ אבד"ק עדזשווער שליט"א, און איידעם ביי הגה"צ ר' מאיר בראנדסדארפער זצ"ל בעל קנה בושם וחבר ביד"ץ העדה החרדית, מיט די כלה א טאכטער פון הגה"צ ר' יהודה ארי' אשכנזי שליט"א, זון פון הגה"צ ר' יהושע אשכנזי שליט"א ראש כולל רב אחא, און איידעם ביי הגה"צ אבד"ק סערדאהעלי ב"ב שליט"א, עלטסטע אור אייניקל פון כ"ק אדמו"ר מקאמארנא שליט"א.
היינט ז' תמוז געפאלט די יומא דהילולא קדישא פון כ"ק אדמו"ר הרה"ק בעל לב שמחה מגור זי"ע, בנו ממלא מקומו כ"ק אדמו"ר מגור שליט"א וועט אריינקומען צו די תפילות אין ביהמ"ד הגדול אין ירושלים, און ארויפגיין צום ציון הק' אויפן הר הזיתים להיפקד בדבר ישועה ורחמים.
כ"ק אדמו"ר מלוצק שליט"א וועלכער איז צוגאסט די טעג אין ניו יארק בקרב חסידיו, וועט היינט פארנאכטס אפרעכטן שולחנו הטהור לרגל די הילולא קדישא פון הרה"ק רבי מרדכי מקוזמיר זי"ע, אין זאל פון ת"ת פאפא אויף ווידמען אין מאנסי.
כ"ק אדמו"ר מאלכסנדר שליט"א וועלכער האט געוויילט די לעצטע צוויי טעג אין ציריך שווייץ בקרב חסידיו, קערט זיך היינט צוריק למעון קדשו אין בני ברק.
כ"ק אדמו"ר מוויזניץ שליט"א לאזט זיך היינט ארויס אויפן וועג קיין שווייץ, וואו דער רבי וועט וויילן דורכאויס די זוממער וואכן אויף אפרוה.
כ"ק אדמו"ר מדאראג שליט"א וועלכער איז אנגעקומען אויף א מסע הקודש קיין אונגארן אינאיינעם מיט די נגידי ותומכי המוסדות, וועט היינט אנקומען צום שטאט דאראג אויף א תפילת רבים ביים ציון הק' פון זקינו הרה"ק בעל אמרי שפר מדאראג זי"ע.
כ"ק אדמו"ר מזידטשויב פרעמיסלא שליט"א לאזט זיך היינט ארויס אויף א נסיעה צו די מקומות הקדושים אין אייראפע, לקראת די יומא דהילולא קדישא פון זקינו הרה"ק רבי הערשעלע זידטשויבער זי"ע בעל עטרת צבי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
