היינט קומט פאר די מעמד הכתרה לכבוד הגה"צ ר' יחזקאל ליפשיץ שליט"א חתנא דבי נשיאה פון כ"ק אדמו"ר מבאבוב שליט"א, וועלכער ווערט אויפגענומען לשרת בקודש אלס דיין ומורה צדק פון די באבובער קהילה אין לינדען ניו דזשערזי, עס קומט פאר אינעם גרויסן בנין פון מוסדות באבוב אין לינדען, אין שפיץ פון כ"ק אדמו"ר מבאבוב שליט"א.
שמחת בית סקווירא: היינט קומט פאר די שמחת השבע ברכות פון די כלה יונגסטע קינד ביי הגה"צ ר' יצחק טווערסקי שליט"א, זון פון כ"ק אדמו"ר מסקווירא שליט"א, און איידעם ביי כ"ק אדמו"ר מוויזניץ שליט"א, מיט די חתן א זון פון הרב דוד גראס שליט"א ראה"כ סקווירא בני ברק, זון פון הגה"צ ר' אברהם משה גראס שליט"א אבד"ק קערעסטיר בערבעשט און דיין אין שיכון סקווירא, איידעם ביי כ"ק אדמו"ר מלעלוב זצ"ל, און איידעם ביי הגה"צ ר' שלמה גאלדמאן שליט"א, זון פון הגה"צ ר' שמואל גאלדמאן שליט"א מזוועהיל פון שיכון סקווירא. – די שמחת השבע ברכות קומט פאר אין ביהמ"ד הגדול אין שיכון סקווירא.
שמחת בית וויזניץ: היינט קומט פאר די שמחת החתן מאהל פון א אייניקל ביי כ"ק אדמו"ר מוויזניץ שליט"א פון מאנסי, די חתן א זון פון זיין זון הגה"צ ר' דוד דוב האגער שליט"א, איידעם ביי כ"ק אדמו"ר משאץ זצ"ל פון וויליאמסבורג, מיט די כלה א טאכטער פון הגה"צ ר' יעקב יוסף האגער שליט"א, זון פון כ"ק אדמו"ר מוויזניץ שליט"א פון לאנדאן, און איידעם ביי הגה"צ ר' ישכר דוב טויב שליט"א אבד"ק זכרון נפתלי ארי' נעשכיז וומס"ב, אור אייניקל פון כ"ק אדמו"ר מקאלוב שליט"א. – די שמחת החתן מאהל קומט פאר אין ביהמ"ד הגדול וויזניץ אין מאנסי.
היינט קומט פאר די שמחת השבע ברכות פונעם חתן א זון פון הרב חיים מאיר ארנסטר שליט"א, זון פון הגה"צ ר' ישראל ארנסטר שליט"א, און איידעם ביי כ"ק אדמו"ר מנייטרא שליט"א, מיט די כלה א טאכטער פון הגה"צ ר' מאיר נתן פריעדמאן שליט"א אבד"ק סעטשא, זון פון כ"ק גאב"ד טענקא שליט"א, און איידעם ביי כ"ק אדמו"ר מסטראזניץ שליט"א. – די שמחת השבע ברכות קומט פאר אין ביהמ"ד טענקא אין בארא פארק.
היינט קומט פאר די שמחת הוואכנאכט פון א אור אייניקל ביי כ"ק אדמו"ר מסערט וויזניץ שליט"א, אייניקל פון זיין איידעם הגה"צ ר' יואל איתמר קרויז שליט"א, זון פון הגה"צ אבד"ק אודווארי שליט"א, בן הנולד ביי זיין איידעם הרב זלמן לייב מייזליש שליט"א, זון פון הגה"צ ר' חיים הערש מייזליש שליט"א, זון פון הגה"צ גאב"ד סאטמאר ב"פ שליט"א, און איידעם ביי כ"ק אדמו"ר מוויזניץ שליט"א לרפו"ש. – די שמחה קומט פאר אין ביהמ"ד הגדול אין רמת וויזניץ חיפה.
עס איז געשלאסן געווארן די שידוך פונעם חתן א זון פון הגה"צ ר' הערשיל אונגער שליט"א ראה"כ ווייטצען שיקאגא, זון פון הגה"צ אבד"ק ווייטצען שיקאגא שליט"א, און איידעם ביי הגה"צ ר' ברוך אברהם האלבערשטאם שליט"א אבד"ק קשאנוב, איידעם ביי כ"ק אדמו"ר מסטריזוב שליט"א, מיט די כלה א טאכטער פון הגה"צ ר' אהרן זעליג אשכנזי שליט"א אבד"ק מאור התורה, זון פון כ"ק אדמו"ר מאלעסק זצ"ל, און איידעם ביי כ"ק אדמו"ר מאלכסנדר שליט"א.
עס איז געשלאסן געווארן די שידוך פונעם חתן א זון פון הגה"צ ר' שמעון שמואל האלבערשטאם שליט"א, זון פון הגה"צ אבד"ק טשאקאווא זצ"ל, און איידעם ביי הגה"צ ר' נפתלי דוד לייטנער שליט"א ממאנטיוואדעיא, מיט די כלה א טאכטער פון הגה"צ ר' סיני יו"ט האלבערשטאם שליט"א, זון פון הגה"צ אבד"ק נאסויד שליט"א, און איידעם ביי הגה"צ אבד"ק דיערעש שליט"א.
עס איז געשלאסן געווארן די שידוך פונעם חתן א זון פון כ"ק אדמו"ר מצאנז זימיגראד זצ"ל בעל ביכורי חיים, מיט די כלה א טאכטער פון הרב החסיד ר' שמעון קעניג הי"ו.
כ"ק אדמו"ר מסקולען שליט"א פון ירושלים קומט היינט אן אויף א באזוך קיין ניו יארק, צו באשיינען די שמחת החתונה ביי איינער פון די נאנטע מקורבים.
ניחום אבלים:
צו די פטירה פון הרבנית טוביאס ע"ה, אשת חבר הגה"צ ר' יואל טוביאס שליט"א גאב"ד שיכון ו' אין בני ברק, זיצן שבעה די בני המשפחה אין איר שטוב אויף רחוב רימון אין שיכון ו' בני ברק, איר מאן דער רב פון שיכון ו', די זיהן הגה"צ ר' לייבוש טוביאס שליט"א רב חסידי בוהוש, און הגה"צ ר' חיים מרדכי טוביאס שליט"א ראש כולל עמל התורה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
