אפדעיט מאנטאג 2:30 נאכמיטאג
בחסדי ה' איז די פראצעדור אריבער מיט גרויס הצלחה, און דער רבי איז שוין ב"ה באפרייט געווארן פון שפיטאל לביתו נאוה קודש אין בארא פארק.
-----
אידישע קינדער איבער די וועלט טוען מתפלל זיין לרפואת כ"ק אדמו"ר מספינקא שליט"א, וועלכער גייט אריבער אצינד אן אפעראציע, מיטן האפענונג צו פארגרינגערן דעם רבינ'ס געזונט צושטאנד.
דער רבי שליט"א איז ליידער נישט בקו הבריאות שוין עטליכע יאר, איבערהויפט אין די לעצטערע חדשים ווען ספר תורה איז שרוי בצער, און דער רבי קומט כמעט נישט ארויס צווישן דעם ציבור חסידים. אצינד האבן די דאקטוירים באשלאסן דורכצופירן א געוויסע מעדיצינישע פראצעדור מיטן האפענונג אז עס וועט פארבעסערן דעם רבינ'ס געזונט צושטאנד, און יעצט מאנטאג מיטאג וועט דורכגעפירט די אפעראציע אין די קארנעל שפיטאל אין מאנהעטן.
כלל ישראל איז מתפלל לרפואת כ"ק מרן נפתלי צבי בן פערל בתוך שאר חולי ישראל, והן קל כביר לא ימאס תפילת רבים.
