היינט נאכמיטאג איז כ"ק אדמו"ר מוויזניץ שליט"א פון קייאמישע אריבער אן אפעראציע אין די מאונט סיני שפיטאל אין מאנהעטן, נאך וואס דער רבי האט געליטן פון א בראך ל"ע וואס האט געדארפט באהאנדלט ווערן.
צוליב דעם וואס דער רבי שליט"א גרייט זיך אונטערצונעמען א לענגערע מסע הקודש קיין ארץ ישראל דעם קומענדיגן חודש שבט, לפאר על ראש שמחותיו ביי צוויי חתונות במעון קדשו וואס וועט בעז"ה געפראוועט ווערן בעיר התורה והחסידות בני ברק, איז באשלאסן געווארן צו דורכפירן די פראצעדור ווי שנעלער, אז דער רבי זאל זיך ערהוילן בעז"ה און קענען פארן געזונטערהייט.
דער רבי שליט"א איז אריינגעפארן אין שפיטאל היינט פארמיטאג, נאכן זיך אויפהאלטן איבערנאכט אין מאנסי, אין שטוב פון מקורבו הנגיד החסיד ר' יעקב אהרן ווערצבערגער הי"ו משמש בקודש ביי אביו הרה"ק בעל תורת מרדכי מוויזניץ זי"ע. יעצט נאכמיטאג הערט מען ב"ה גוטע גריסן פון שפיטאל אז די אפעראציע איז אריבער מיט הצלחה, און מיטן אויבערשטנס הילף וועט דער רבי באפרייט ווערן פון שפיטאל שפעטער אין טאג.
