אידישע קינדער זענען מתפלל פאר א חשובע ישיבה בחור פון ארץ ישראל וועלכער איז ליידער פארשוועמט געווארן אין א טייך היינט נאכמיטאג, נאך וואס עס האט געהערשט א שרעקליכע וועטער איבער די געגנט, און מערערע פארפלייצונגען איז באריכטעט געווארן צוליב די הויכע וואסערן און הויכע קוואנטום רעגן.
דער ישיבה בחור האט זיך געפונען ביים טייך נעבן מודיעין עילית, צוזאמען מיט א נאך א בחור, מיטאמאל האבן זיי אנגעהויבן ווערן אריינגעשלעפט טיפער אין די וואסער, און איין בחור האט באוויזן זיך ארויסצוכאפן, ווען דער אנדערער איז בלויז פארשוועמט געווארן טיפער.
א העפטיגע זוך אקציע איז אקטיוו שוין פאר עטליכע שעה, אנגעהויבן פון ארום דריי אזייגער נאכמיטאג ארץ ישראל'דיגע זייגער, און די עמערדזשענסי אגענטורן באגלייט מיט פארשידענע סארט הילף האפן נאך צו טרעפן דעם בחור ביים לעבן, אידן זענען מתפלל פאר הב' משה בן רייזל, מען זאל אים טרעפן ווי שנעלער געזונט און שטארק.
