תלמידי וחסידי תולדות יהודה סטוטשין גרייטן זיך מיטצוהאלטן א ערשטמאליגע געהויבענע נסיעה אין שפיץ פון כ"ק אדמו"ר מתולדות יהודה סטוטשין שליט"א, וועלכער וועט צום ערשטן מאל ארויספארן צו די מקומות הקדושים אין אייראפע, אינאיינעם מיט א געקליבענע צאל נדיבים בעם וואס שליסן זיך אן מיט גרויסע סכומים, צום התייסדות פון די ישיבה הקדושה דחסידי תולדות יהודה סטוטשין.
צום קומענדיגן שנת הלימודים וועט זיך בעז"ה עפענען די נייע ישיבה, און די הנהלת המוסדות איז אקטיוו אויפצוקומען מיט די נויטיגע געלטער צו גרינדן די ישיבה מיט הרחבת הדעת, דעריבער איז געמאלדן געווארן די פלענער איבער די געהויבענע מסע הקודש "בהררי קודש" פאר די אלע חסידים וואס שליסן זיך אן מיטן סכום פון פינף טויזענט דאללער פאר די התייסדות הישיבה.
די נסיעה וועט זיך אנהייבן קומענדיגע וואך מיטוואך פרשת יתרו, ווען דער רבי וועט זיך ארויסלאזן אין וועג אינאיינעם מיט די נדיבים ותומכים, און מתפלל זיין ביי די קברי צדיקים פון די אדמור"י השלשלת, אין לאנצוהט ביים ציון הק' פון הרה"ק מראפשיץ זי"ע בעל זרע קודש, אין דזיקוב ביים ציון הק' פון בנו הרה"ק רבי אליעזר מדזיקוב זי"ע, אין ראזוואדאוו ביים ציון הק' פון בנו הרה"ק רבי משה מראזוואדאוו זי"ע, און אין סאניק, ביים ציון הק' פון בנו הרה"ק רבי איציקל מסטוטשין זי"ע.
שבת קודש פרשת יתרו, שבת קבלת התורה, וועט געפראוועט ווערן אויף א גרויסע פארנעם אין שטאט ליזענסק, סמוך ונראה צום ציון הק' פונעם הייליגן רבי'ן ר' אלימלך זי"ע, און נאך שבת וועט מען זיך אומקערן אהיים קיין ניו יארק באגלייט מיט פילע זעק פון השפעות טובות בעז"ה.
