שמחת בית מודזיץ: היינט קומט פאר די שמחת החתונה פון א אייניקל ביי כ"ק אדמו"ר ממודזיץ שליט"א, די חתן א זון פון בנו הגדול הגה"צ ר' אהרן יודא משה טאוב שליט"א ראש ישיבת מודזיץ, איידעם ביי כ"ק אדמו"ר מבאסטאן בית שמש זצ"ל, מיט די כלה א טאכטער פון הרה"ג ר' ישראל פלוטשעניק שליט"א ראש כולל גור אין אנטווערפן. – די שמחת החתונה קומט פאר אין זאל היכלי מלכות אין בני ברק.
שמחת בית לינסק – ראדזין: היינט קומט פאר די שמחת החתונה פון א אייניקל ביי כ"ק אדמו"ר מלינסק שליט"א פון בני ברק, די חתן א זון פון זיין זון הגה"צ ר' חיים מרדכי ראזענבוים שליט"א, איידעם ביי הגה"צ אבד"ק ערלוי צפת זצ"ל, מיט די כלה יונגסטע קינד ביי כ"ק אדמו"ר מראדזין שליט"א. – די שמחת החתונה קומט פאר אין זאל הדקל אין בני ברק.
היינט קומט פאר די שמחת החתונה פון א אייניקל ביי כ"ק אדמו"ר ממשכנות הרועים שליט"א, די חתן א זון פון זיין זון הגה"צ ר' הלל ראבינאוויטש שליט"א, איידעם ביי כ"ק אדמו"ר מדאמבראווא מאנסי שליט"א, מיט די כלה א טאכטער פון הרב גבריאל יודא איליאוויטש שליט"א, זון פון הגה"צ ר' יואל יצחק איליאוויטש שליט"א משאמשאן, און איידעם ביי הגה"צ ר' מנשה ראזענבערגער שליט"א מדיערעש. – די שמחת החתונה קומט פאר אין זאל פרדס צבי אין וויליאמסבורג.
היינט קומט פאר די שמחת הבר מצוה פון א אייניקל ביי כ"ק אדמו"ר מטשערנאביל שליט"א, א זון פון זיין זון הגה"צ ר' דוד טווערסקי שליט"א רב חסידי טשערנאביל אין בית שמש, איידעם ביי כ"ק אדמו"ר מוויזניץ שליט"א פון קייאמישע. – די שמחה קומט פאר אין ביהמ"ד הגדול טשערנאביל אין בני ברק.
כ"ק אדמו"ר מסקווירא שליט"א וועלכער האט זיך אויפגעהאלטן די לעצטע דריי וואכן אין מאליבו קאליפארניע אויף אפרוה, קערט זיך היינט צוריק למעון קדשו אין שיכון סקווירא, א מעמד קבלת פנים וועט פארקומען היינט אויפדערנאכט אין ביהמ"ד הגדול אין שיכון סקווירא.
כ"ק אדמו"ר מסאדיגורא שליט"א פארט היינט ארויס קיין אנטווערפן, לקראת די שמחת החתונה פון די יונגסטע קינד ביים שווער הגה"צ אב"ד אהל יעקב שליט"א.
היינט קומט פאר די מעמד "מלומדי מורשה" לטובת מוסדות באבוב אין לינדען, אין די אולם שארף אין בארא פארק, אין שפיץ פון כ"ק אדמו"ר מבאבוב שליט"א. מיטן משא המעמד וועט אויפטרעטן הרה"ג יחזקאל ליפשיץ שליט"א, חדב"ן, דער פריש-אויפגענומענע דומ"ץ הקהילה.
היינט קומט פאר די מעמד ירושתינו לטובת צדקת ארץ הקודש אין ק"ק באבוב 45, עס קומט פאר אין די עמינענס זאל אין בארא פארק, אין שפיץ פון כ"ק אדמו"ר מבאבוב 45 שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול דושינסקיא אין ירושלים, נדבת הרב החסיד ר' שמואל רייכמאן הי"ו, אין שפיץ פון כ"ק אדמו"ר מדושינסקיא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
