שמחת בית קארלין סטאלין – דזיקוב וויזניץ – טעמעשוואר אלעד: היינט קומט פאר די שמחת החתונה פון א אייניקל ביי כ"ק אדמו"ר מקארלין סטאלין שליט"א, די חתן א זון פון זיין זון הגה"צ ר' יוחנן שוחט שליט"א, איידעם ביי כ"ק אדמו"ר מדזיקוב וויזניץ שליט"א, מיט די כלה א טאכטער פון כ"ק אדמו"ר מטעמעשוואר אלעד שליט"א, איידעם ביי כ"ק אדמו"ר מזוטשקא זצ"ל. – די שמחת החתונה קומט פאר אין ביהמ"ד הגדול קארלין סטאלין אין גבעת זאב.
שמחת בית וויזניץ: היינט קומט פאר די שמחת החתונה פון א אייניקל ביי כ"ק אדמו"ר מוויזניץ שליט"א פון ירושלים, די חתן א זון פון זיין יונגסטן איידעם הגה"צ ר' יוחנן טווערסקי שליט"א, זון פון הגה"צ ר' נחמן יוסף טווערסקי שליט"א פון ירושלים, מיט די כלה א טאכטער פון הגה"צ ר' נפתלי קאהן שליט"א, זון פון כ"ק אדמו"ר מדברי אמונה זצ"ל, און איידעם ביי כ"ק אדמו"ר מלאנצוהט זצ"ל. – די שמחת החתונה קומט פאר אין זאל פון כתר ריזל אין וויליאמסבורג.
היינט קומט פאר די שמחת החתונה פונעם חתן א זון פון הגה"צ ר' דוד משה ראזענבוים שליט"א, זון פון כ"ק אדמו"ר מקרעטשניף מאנסי שליט"א, און איידעם ביי כ"ק אדמו"ר מזוטשקא קאראקאס שליט"א, מיט די כלה א טאכטער פון הגה"צ ר' משה דוד לאבין שליט"א, זון פון כ"ק אדמו"ר מזידטשויב לאנדאן שליט"א, און איידעם ביי הגה"צ ר' אלחנן הורוויץ שליט"א אבד"ק ראפשיץ קרית יואל, זון פון כ"ק אדמו"ר ממעליץ שליט"א. – די שמחת החתונה קומט פאר אין זאל עטרת טשארנא אין מאנסי.
שמחת בית פאפא: היינט קומט פאר די שמחת הבר מצוה פון א אור אייניקל ביי כ"ק אדמו"ר מפאפא שליט"א, אייניקל פון בנו הגדול הגה"צ ר' מאיר גרינוואלד שליט"א דומ"ץ פאפא, א זון פון זיין איידעם הרב יחזקאל שמחה ישכר בער ראבינאוויטש שליט"א, זון פון הגה"צ ר' חיים אלעזר ראבינאוויטש שליט"א דומ"ץ וראש ישיבת דינוב, זון פון כ"ק אדמו"ר מדינוב שליט"א, און איידעם ביי כ"ק אדמו"ר מסטריזוב שליט"א. – די שמחה קומט פאר אין ביהמ"ד הגדול פאפא אין וויליאמסבורג.
שמחת בית טשערנאביל - סקולען: היינט קומט פאר די שמחת השבע ברכות פון א אייניקל ביי כ"ק אדמו"ר מטשערנאביל שליט"א, די חתן א זון פון זיין איידעם כ"ק אדמו"ר מישועת יעקב סקולען שליט"א, מיט די כלה א טאכטער פון הגה"צ ר' יעקב יוסף פיש שליט"א ר"ם בישיבה קטנה אמרי חיים וויזניץ ב"פ, זון פון כ"ק אדמו"ר מביקסאד שליט"א, און איידעם ביי כ"ק הגה"צ בעל אור שלום מוויזניץ זצ"ל. – די שמחת השבע ברכות קומט פאר אין טשערנאבילער בית המדרש אין בארא פארק.
שמחת בית סקווירא – ראחמיסטריווקא: היינט קומט פאר די שמחת השבע ברכות פון א דאפלטע אור אייניקל ביי כ"ק אדמו"ר מסקווירא שליט"א, אייניקל פון זיין איידעם כ"ק אדמו"ר מראחמיסטריווקא מאנסי שליט"א, די כלה א טאכטער פון זיין זון הרב יעקב יוסף טווערסקי שליט"א, איידעם ביים רבינ'ס זון הגה"צ ר' יצחק טווערסקי שליט"א, מיט די חתן א זון פון כ"ק אדמו"ר מסקווירא גרינוויל שליט"א. – די שמחת השבע ברכות קומט פאר אין ראחמיסטריווקא ביהמ"ד אויף האופעל לעין אין מאנסי.
שמחת בית סאטמאר – קאלוב - מאשלוי: היינט קומט פאר די שמחת השבע ברכות פון א אייניקל ביי כ"ק אדמו"ר ממאשלוי שליט"א, איידעם ביי כ"ק אדמו"ר מקאלוב שליט"א, די כלה א טאכטער פון זיין איידעם הגה"צ ר' חיים הערש טייטלבוים שליט"א, זון פון הגה"צ אבד"ק סאטמאר וומס"ב שליט"א, בנו הגדול פון כ"ק אדמו"ר מסאטמאר שליט"א, מיט די חתן א זון פון הגה"צ ר' חיים צבי ראטטענבערג שליט"א אבד"ק פינטשוב. – די שמחת השבע ברכות קומט פאר אין ביהמ"ד מאשלוי אין בארא פארק.
כ"ק אדמו"ר מוויזניץ שליט"א פון לאנדאן וועלכער האט זיך אויפגעהאלטן די לעצטע צוויי וואכן אין ניו יארק לרגל די שמחת החתונה פון א אייניקל, וועט היינט ארויספארן פון ניו יארק קיין ארץ ישראל אויף א קורצע באזוך פון עטליכע טעג, צו באשיינען די שמחת החתונה פונעם יונגסטן קינד ביים שוואגער הגה"צ אבד"ק קאלוב ביתר שליט"א.
כ"ק אדמו"ר מתולדות יהודה סטוטשין שליט"א וועלכער איז צוגאסט די טעג אויף א מסע הקודש "בהררי קודש" צו די קברי צדיקים אין אייראפע, אינאיינעם מיט די נגידי ותומכי המוסדות, וועט היינט אנקומען צום שטאט סאניק און פוקד זיין דעם ציון הק' פון הרה"ק רבי איציקל מסטוטשין זי"ע, שפעטער ביינאכט וועט זיך דער רבי שליט"א אומקערן למעון קדשו אין בארא פארק.
כ"ק אדמו"ר מבוהוש שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט היינט אנקומען קיין קרית יואל פאר די קומענדיגע טעג, די אכסניא איז אין שטוב פון הנגיד החסיד ר' שאול פערלמוטער הי"ו.
כ"ק אדמו"ר מסאדיגורא שליט"א וועלכער האט זיך אויפגעהאלטן די לעצטע וואך צייט אין לאנדאן לרגל א משפחה, שמחה, קערט זיך היינט צוריק למעון קדשו אין בני ברק.
היינט קומט פאר די מעמד הכנסת ספר תורה וואס ווערט אריינגעגעבן צום ראחמיסטריווקא ביהמ"ד אין לאנדאן, נדבת הנגיד החסיד ר' הערשל גרינבערג הי"ו, די מעמד קומט פאר אין ביהמ"ד הגדול דחסידי סקווירא אין לאנדאן, אין שפיץ פון כ"ק אדמו"ר מראחמיסטריווקא שליט"א וועלכער איז צוגאסט די טעג אין לאנדאן בקרב חסידיו.
היינט קומט פאר די מעמד הכנסת ספר תורה וואס ווערט אריינגעגעבן צום בעלזא בית המדרש אויף די פיר און פערציגסטע סטריט אין בארא פארק, נדבת הרב החסיד ר' נחום אונגאר הי"ו.
היינט קומט פאר א מעמד התחלת כתיבת ספר תורה וואס וועט אריינגעגעבן ווערן צום ביהמ"ד רמ"א ד'סאטמאר, נדבת הרה"ח ר' יעקב יוסף לעפקאוויטש הי"ו, עס קומט פאר אינעם היכל ביהמ"ד אין שפיץ פון כ"ק אדמו"ר מבוהוש שליט"א.
היינט קומט פאר די מעמד חנוכת הבית פאר די נייע ביהמ"ד דקהל אמרי יהודה ברעזאן אין בארא פארק, אין שפיץ פון הגה"צ ר' מאיר מרדכי אונסדארפער שליט"א, אלס נואם הכבוד וועט אויפטרעטן כ"ק אדמו"ר מצאנז שליט"א דורך א לייוו הוקאפ.
כ"ק אדמו"ר מביאלא שליט"א וועט היינט פארמיטאג אנקומען צום הר הזיתים בראש קהל חסידיו, צו פוקד זיין דעם ציון הק' פון זקינו הרה"ק בעל חלקת יהושע מביאלא זי"ע, לרגל די הילולא קדישא וואס געפאלט היינט כ"א שבט.
אריינצושיקן מודעות און נייעס, שיקט אן אימעיל צו NEWS@JDNMAIL.COM
