חסידי צאנז קלויזענבורג אין מאנסי האבן אין א מזל'דיגע שעה באנייעט די בנין ביהמ"ד החדש אויף בעיטס דרייוו, נאך א לענגערע בוי פראיעקט וואס איז אנגעגאנגען לנצח על מלאכת בית השם, צו פארענדיגן דעם בית המדרש דחסידי צאנז קלויזענבורג אויף די בעיטס גאס, צוצוברענגען גרויס הרחבת הדעת פאר די חסידים תושבי השכונה.
די ביהמ"ד איז באנייעט געווארן פארלאפענעם שבת פרשת בשלח שבת שירה, בברכתו ובעידודו פון כ"ק אדמו"ר מצאנז קלויזענבורג שליט"א. שבת אינדערפרי נאכן דאווענען איז פארגעקומען א פרייליכע קידושא רבא לכבוד די חנוכת הבית, וואו די חברי הקהילה און מתפללים האבן געדאנקט און געלויבט דעם אויבערשטן אויף די גרויסע חסדים.
אין די יעצטיגע טעג האבן די ראשי העסקנים באזוכט בהיכלו פון כ"ק אדמו"ר מצאנז קלויזענבורג שליט"א, וועלכער האט געהערט א באריכט איבער די הרחבת גבולי הקדושה, און ווארעם געוואונטשן פאר די עסקנים בסייעתא דשמיא.
