דעם מאנטאג איז געפייערט געווארן די פרייליכע מעמד חנוכת הבית פאר די נייע טעמעשווארער בית המדרש אין שטאט אלעד, וואס איז געבויעט געווארן אין די לעצטע פאר יאר מיטן הילף פון די חברי הקהילה ותושבי העיר, און איז פראכטפול באנייעט געווארן לכבוד די ימי השמחה במעון הקודש פון כ"ק אדמו"ר מטעמעשוואר אלעד שליט"א.
דעם זונטאג פרשת משפטים איז פארגעקומען די שמחת החתונה פון די כלה א טאכטער ביים רבי'ן, מיט די חתן א אייניקל פון כ"ק האדמורי"ם מקארלין סטאלין און דזיקוב וויזניץ שליט"א, און צומארגנס מאנטאג איז פארגעקומען די מעמד חנוכת הבית אינאיינעם מיט די שמחת השבע ברכות, מיט די באטייליגונג פון א גרויסן ציבור חסידים און איינוואוינער פון שטאט.
די מעמד האט זיך אנגעהויבן מיט די ערשטע תפילה אינעם נייעם בנין, נאכפאלגענדיג מיט די קביעות מזוזות אויף די טויערן פון בית המדרש.
