נעכטן מיטוואך איז כ"ק אדמו"ר מקרעטשניף כפר עטה שליט"א אנגעקומען צוגאסט קיין ניו יארק, לקראת די שמחת החתונה בבית אחיו הגדול כ"ק אדמו"ר מקרעטשניף סיגעט וומס"ב שליט"א, וואס קומט פאר די קומענדיגע וואך אין מאנסי.
דורכאויס דעם טאג האט דער רבי באזוכט ביים ברודער כ"ק אדמו"ר מקרעטשניף סיגעט וומס"ב שליט"א, און ביים פעטער כ"ק אדמו"ר מתולדות צבי ספינקא שליט"א. דער רבי האט באשיינט די שמחת הבר מצוה פון א זון ביי מוה"ר מאיר אונגאר הי"ו פון די באקאנטע פיוואט גרופע, וואס איז פארגעקומען אין די ברוקלין סקווער פעסטונג אין בארא פארק.
אויך האט דער רבי קובע געווען א מזוזה אין שטוב פון זיין פלומעניק הרב זלמן לייב שטיין שליט"א, און שפעט ביינאכט איז דער רבי אנגעקומען קיין מאנסי וואו ער האט פארגעלערנט א שיעור פאר די מקורבים. שבת קודש וועט דער רבי פראווענען אין די עירמאונט געגנט אין מאנסי, וואו עס איז ערווארטעט א ענגע צאל חסידים ומעריצים צו מיטהאלטן דעם שבת, די תפילות און טישן וועלן פארקומען אין ביהמ"ד תודה וזמרה.
