שמחת בית סקווירא - וויזניץ – קאלאשיץ: היינט קומט פאר די שמחת החתן מאהל פונעם חתן א זון פון הגה"צ ר' יעקב יוסף טווערסקי שליט"א, זון פון כ"ק אדמו"ר מסקווירא שליט"א, און איידעם ביי כ"ק אדמו"ר מקאלאשיץ שליט"א, מיט די כלה א טאכטער פון הגה"צ ר' ישראל האגער שליט"א, זון פון כ"ק הגה"צ בעל אור שלום מוויזניץ זצ"ל, און איידעם ביי כ"ק הגה"צ גאב"ד פאלטישאן זצ"ל. – די שמחת החתן מאהל קומט פאר אין וויזניצע בית המדרש אין מאנסי.
שמחת בית פאפא: היינט קומט פאר די שמחת הבר מצוה פון א אייניקל ביי כ"ק אדמו"ר מפאפא שליט"א, א זון פון זיין זון הגה"צ ר' יוסף גרינוואלד שליט"א ראה"כ פאפא ב"פ, איידעם ביי הגה"צ אבד"ק מנחת חינוך טארטיקוב שליט"א. – די שמחה קומט פאר אין ביהמ"ד הגדול פאפא אין וויליאמסבורג.
שמחת בית ראחמיסטריווקא – בארניב – בית אהרן: היינט קומט פאר די שמחת התנאים פון א אייניקל ביי כ"ק אדמו"ר מראחמיסטריווקא שליט"א, די חתן א זון פון זיין איידעם הגה"צ ר' צבי אלימלך טייטלבוים שליט"א אבד"ק תפלה למשה סאטמאר ב"פ, זון פון הגה"צ ר' ליפא טייטלבוים שליט"א אבד"ק בית אהרן, מיט די כלה א טאכטער פון הגה"צ ר' יוחנן האלבערשטאם שליט"א, זון פון כ"ק אדמו"ר מבארניב שליט"א, און איידעם ביי זיין פעטער הגה"צ אבד"ק בית אהרן שליט"א. - די שמחה קומט פאר אין זאל פון ת"ת פאפא אין מאנסי.
היינט קומט פאר די יערליכע מלוה מלכה לטובת מפעל קמחא דפסחא דחסידי טשערנאביל, עס קומט פאר אין די לוקסור זאל אויף די זיבן און פערציגסטע סטריט אין בארא פארק, אין שפיץ פון כ"ק אדמו"ר מטשערנאביל שליט"א.
כ"ק אדמו"ר מאמשינאוו ארה"ב שליט"א וועט היינט מוצאי שב"ק אפרעכטן די יארצייט טיש און מלוה מלכה לרגל די הילולא קדישא פון זקינו הרה"ק רבי איציקל מאמשינאוו זי"ע, בבית מדרשו אין בארא פארק.
היינט קומט פאר די יערליכע מלוה מלכה לטובת ביהמ"ד קהל זכרון אלעזר סאנטוב אין לעיקוואד.
אריינצושיקן מודעות און נייעס, שיקט אן אימעיל צו NEWS@JDNMAIL.COM
