שמחת בית זידטשויב – סטראזניץ – דושינסקיא ב"פ: עס איז געשלאסן געווארן די שידוך פונעם חתן א זון פון הגה"צ ר' אלי' כ"ץ שליט"א אבד"ק דושינסקיא ב"פ, איידעם ביי כ"ק אדמו"ר מצאנז זצ"ל פון ב"פ, מיט די כלה א טאכטער פון הגה"צ ר' יהושע פרץ שנעעבאלג שליט"א אבד"ק זידטשויב לינדען, זון פון כ"ק אדמו"ר מזידטשויב שליט"א, און איידעם ביי כ"ק אדמו"ר מסטראזניץ שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום סקולענער בית המדרש אויף קיעפ סטריט אין וויליאמסבורג, לזכר נשמת כ"ק אדמו"ר הרה"ק מסקולען זצ"ל, די סעודה לגומרה של תורה קומט פאר אין זאל ויואל משה אין וויליאמסבורג.
היינט קומט פאר די מעמד יציקת הבורות פאר די נייע מקוה בבנין ביהמ"ד החדש דקהל יטב לב ד'סאטמאר אין וויליאמסבורג שכונת ווערנאן, אין שפיץ פון כ"ק אדמו"ר מסאטמאר שליט"א.
היינט נאכט ה' ניסן געפאלט די יומא דהילולא קדישא פון הרה"ק בעל צבי לצדיק מבלאזוב זצ"ל, די אייניקלעך כ"ק האדמורי"ם מבלאזוב און בלאזוב ריבאטיטש שליט"א וועלן אפרעכטן די יארצייט טישן אין די בתי מדרשים.
כ"ק אדמו"ר מקאפיטשניץ שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הרה"ק בעל אוהב ישראל מאפטא זי"ע, בבית מדרשו אויף רחוב עזרת תורה אין ירושלים. פארן טיש וועט דער רבי אנקומען אויף ברכת אילנות און שאיבת מים שלנו ביים מעיין עין כרם אין ירושלים.
צו די פטירה פון הגה"צ ר' יוסף יהושע העשיל בלום זצ"ל גאב"ד קרית קאשוי, זיצן שבעה די בני המשפחה, די קינדער און ברידער הרבנים הגאונים שליט"א, אין שטוב פונעם רב זצ"ל אין קרית קאשוי.
אחיו כ"ק אדמו"ר מקאשוי שליט"א זיצט שבעה בבית מדרשו אויף ספענסער אין וויליאמסבורג ביז מאנטאג אינדערפרי.
אחיו כ"ק אדמו"ר מקאשוי שליט"א זיצט שבעה בבית מדרשו אויף ראסס סטריט אין וויליאמסבורג, ביז מאנטאג אינדערפרי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
