שמחת בית טשערנאביל – קאסאן: עס איז געשלאסן געווארן די שידוך פונעם חתן א זון פון הגה"צ ר' מנחם מענדיל פאנעט שליט"א, זון פון כ"ק אדמו"ר מדעעש ירושלים זצ"ל, און איידעם ביי הגה"צ אבד"ק פאפא ירושלים שליט"א, מיט די כלה א אור אייניקל פון כ"ק אדמו"ר מטשערנאביל שליט"א, אייניקל פון זיין איידעם הגה"צ ר' יעקב אלעזר ראטטענבערג שליט"א אדמו"ר מקאסאני ב"ב, א טאכטער פון זיין זון הגה"צ ר' ישראל צבי ראטטענבערג שליט"א, איידעם ביי כ"ק אדמו"ר מקאסאן לאנדאן שליט"א.
עס איז געשלאסן געווארן די שידוך פונעם חתן א זון פון הגה"צ ר' יצחק אלעזר טייטלבוים שליט"א, זון פון הגה"צ אבד"ק נעפלעמיץ שליט"א, און איידעם ביי כ"ק אדמו"ר מחוסט שליט"א פון ב"פ, מיט די כלה א טאכטער פון הגה"צ ר' ישכר בער רוקח שליט"א, זון פון הגה"צ ר' שמואל שלום רוקח שליט"א אדמו"ר מקארוב, און איידעם ביי הגה"צ ר' בעריש מייזליש שליט"א מווייטצען לאנדאן.
היינט קומט פאר די שמחת הבר מצוה פון א אייניקל ביי כ"ק אדמו"ר ממודזיץ שליט"א, א זון פון בנו הגדול הגה"צ ר' אהרן יהודה משה טאוב שליט"א ראש ישיבת מודזיץ, איידעם ביי כ"ק אדמו"ר מבאסטאן זצ"ל פון בית שמש. – די שמחה קומט פאר אין ביהמ"ד הגדול מודזיץ אין בני ברק, אינאיינעם מיט די יארצייט טיש לרגל די הילולא קדישא פון הרה"ק רבי שמואל אליהו מזוואלין זי"ע.
מרנן ורבנן גדולי עולם התורה וועלכע זענען דעם זונטאג אנגעקומען צוגאסט קיין בראזיל אויפצוטרייבן גרויסע געלטער לטובת די קרן עולם התורה בארה"ק, וועלן היינט פארזעצן די רייזע קיין ארגענטינא אויף א ערשטמאליגע באזוך אין די ארטיגע אידישע קהילה, היינט אויפדערנאכט וועט פארקומען אן אסיפת חיזוק בהיכל ישיבת שובה ישראל אין ארגענטינא, אין שפיץ פון די גדולי עולם התורה, הגאון רבי יעקב הלל שליט"א ראש ישיבת אהבת שלום, הגאון רבי אברהם סאלים שליט"א ראש ישיבת מאור התורה, הגאון רבי חיים פרץ בערמאן שליט"א מראשי ישיבת פאנאוויטש, הגאון רבי שמעון גלאי שליט"א, און הגאון רבי יוסף חברוני שליט"א מראשי ישיבת חברון.
היינט נאכט כ"ו אייר יסוד שביסוד געפאלט די יומא דהילולא קדישא פון הרה"ק רבי שלמה'קע זוועהילער זי"ע, פילע אידן וועלן פוקד זיין דעם ציון הק' אויפן הר הזיתים להיפקד בדבר ישועה ורחמים, די אייניקלעך כ"ק האדמורי"ם שליט"א לבית זוועהיל וועלן אפרעכטן די יארצייט טישן ברוב עם.
היינט קומט פאר די מעמד "ובאו כולם" פאר כלל חסידי צאנז אין וויליאמסבורג, צו פאראויסרוקן די בוי פראיעקט פארן נייעם ביהמ"ד דחסידי צאנז אין מאנסי, עס קומט פאר אין ביהמ"ד צאנז אין וויליאמסבורג, אין שפיץ פון הגה"צ אבד"ק צאנז ארה"ב שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
