שמחת בית גור: היינט קומט פאר די שמחת הבר מצוה פון א אייניקל ביי כ"ק אדמו"ר מגור שליט"א, א זון פון זיין יונגסטן זון הגה"צ ר' דוד אלתר שליט"א. – די שמחה קומט פאר אין ביהמ"ד הגדול גור אין ירושלים.
שמחת בית נדבורנא – מודזיץ – אונגוואר: עס איז געשלאסן געווארן די שידוך פונעם חתן א זון פון כ"ק אדמו"ר מאונגוואר שליט"א פון רמות, איידעם ביי כ"ק אדמו"ר מסאווראן זצ"ל, מיט די כלה א טאכטער פון הגה"צ ר' יוסף דוד ראזענבוים שליט"א, זון פון כ"ק אדמו"ר מנדבורנא שליט"א, און איידעם ביי כ"ק אדמו"ר ממודזיץ שליט"א.
שמחת בית ראחמיסטריווקא – נאראל – קאזניץ – נעפלעמיץ: עס איז געשלאסן געווארן די שידוך פונעם חתן א זון פון הגה"צ ר' ישכר רובין שליט"א אדמו"ר מקאזניץ סיגעיט, אייניקל פון כ"ק אדמו"ר מנאראל שליט"א, און איידעם ביי כ"ק אדמו"ר מקאסוב זצ"ל, מיט די כלה א טאכטער פון הגה"צ ר' לוי טווערסקי שליט"א, זון פון כ"ק אדמו"ר מראחמיסטריווקא שליט"א פון לעיקוואד, און איידעם ביי הגה"צ אבד"ק נעפלעמיץ שליט"א.
עס איז געשלאסן געווארן די שידוך פונעם חתן א זון פון הגה"צ ר' חיים יחזקי' פיש שליט"א, זון פון כ"ק אדמו"ר מהאדאס שליט"א, און איידעם ביי הגה"צ ר' אלכסנדר יו"ט ליפא לאבין זצ"ל מזידטשויב, מיט די כלה א טאכטער פון הגה"צ ר' מאיר יהודה טייטלבוים שליט"א, זון פון הגה"צ ר' משה דוד טייטלבוים שליט"א, און איידעם ביי הגה"צ אבד"ק טאלטשאווא זצ"ל.
היינט קומט פאר די שמחת הברית פון א אור אייניקל ביי כ"ק אדמו"ר מבוהוש שליט"א, אייניקל פון זיין איידעם הגה"צ ר' שלמה זלמן וואזנער שליט"א, זון פון כ"ק אדמו"ר משבט הלוי שליט"א, בן הנולד ביי זיין איידעם הרב יעקב לייזער שליט"א, זון פון הגה"צ ר' נפתלי אלימלך לייזער שליט"א אבד"ק פשעווארסק לאנדאן, בנו הגדול פון כ"ק אדמו"ר מפשעווארסק שליט"א. – די שמחה קומט פאר אין ביהמ"ד בוהוש אין בני ברק.
כ"ק אדמו"ר מסאטמאר שליט"א לאזט זיך היינט ארויס אויף די געהויבענע מסע הקודש "בוני המלוכה" צו די קברי צדיקים אין אייראפע, אינאיינעם מיט הונדערטער נדיבים ותומכים פון קהל יטב לב ד'סאטמאר אין קרית יואל. היינט נאך שחרית וועט פארקומען א גרויסע מעמד צאתכם לשלום אין ביהמ"ד הגדול סאטמאר "היכל אלטר יחזקאל" אין קרית יואל, און דערנאך וועט דער רבי ארויספארן צום סטוארט לופטפעלד ארויסצופארן אינאיינעם מיט די הונדערטער משתתפי הנסיעה.
מרנן ורבנן גדולי עולם התורה וועלכע זענען נעכטן דינסטאג אנגעקומען אויף א ערשטמאליגע באזוך אין ארגענטינא, אויפצוטרייבן גרויסע געלטער לטובת די קרן עולם התורה בארה"ק, וועלן היינט באשיינען א גרויסע מעמד קבלת פנים אין ישיבת תורתינו אין ארגענטינא מיט די באטייליגונג פון אלפי ילדי תשב"ר.
כ"ק אדמו"ר מבוהוש שליט"א וועט היינט ארויספארן אויף א מסע הקודש צו די קברי צדיקים אין גליל לרגל ספירת יסוד שביסוד, דער רבי שליט"א וועט מתפלל זיין בראש קהל חסידיו ביים ציון הק' פונעם הייליגן אריז"ל זי"ע, און שפעטער אנקומען אויף א תפילת רבים אין אתרא קדישא מירון.
כ"ק אדמו"ר מוויזניץ שליט"א פון לאנדאן וועלכער האט זיך אויפגעהאלטן די לעצטע פאר טעג אין ניו יארק לרגל די שמחת הברית פון א אור אייניקל, קערט זיך היינט צוריק למעון קדשו אין לאנדאן.
כ"ק אדמו"ר מוויזניץ שליט"א פון בית שמש וועלכער האט זיך אויפגעהאלטן די לעצטע פאר טעג אין וויליאמסבורג לטובת מוסדותיו הקדושים, קערט זיך היינט צוריק למעון קדשו אין בית שמש.
כ"ק אדמו"ר מקרעטשניף קרית גת שליט"א לאזט זיך היינט ארויס אויף א נסיעה צו די מקומות הקדושים אין אייראפע, לרגל די הילולא קדישא פון זקינו הרה"ק רבי מאיר'ל פרימישלאנער זי"ע.
היינט קומט פאר די מעמד חומת הבית בחצר הקודש סטריקוב ירושלים, זיך צו מחזק זיין קעגן די פגעי הטעכנעלאגיע, די מעמד קומט פאר אין זאל אוביליון אין מודיעין עילית, אין שפיץ פון כ"ק אדמו"ר מסטריקוב ירושלים שליט"א.
היינט קומט פאר די מעמד "ובאו כולם" פאר כלל חסידי צאנז אין בארא פארק, צו פאראויסרוקן די בוי פראיעקט פארן נייעם ביהמ"ד דחסידי צאנז אין מאנסי, עס קומט פאר אין ביהמ"ד צאנז אין בארא פארק, אין שפיץ פון הגה"צ אבד"ק צאנז ארה"ב שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
