גרויסע נייעס ווערט באקאנט יעצט נאכמיטאג, אז דער אמעריקאנער פרעזידענט דאנאלד טראמפ איז ערווארטעט צו באזוכן אין ראקלענד קאונטי דעם קומענדיגן פרייטאג די ערשטע טאג יו"ט שבועות, מיט א מעגליכקייט אז ער וועט אנקומען אין די היימישע מאנסיער אומגעגנט.
דער פרעזידענט קומט צו פארן קיין ראקלענד קאונטי צו באשיינען א אפיציעלע ווייסע הויז אווענט דא אין די אומגעגנט, אינאיינעם מיט די לאקאלע פאליטיקאנטן ווי קאנגרעסמאן מייק לאולער און נאך. די גענויע פלענער ווערן אויסגעארבעט אין די יעצטיגע טעג דורך די הויכראנגיגע באאמטע.
צווישן די פלענער איז פארהאן א ערנסטע מעגליכקייט אז די פארזאמלונג וועט ווערן אפגעהאלטן אין די גיגאנטישע ראקלענד קאמיוניטי קאלעדזש קאמפלעקס, וואס געפונט זיך אין די היימישע געגנט אין מאנסי, ארומגענומען מיט הונדערטער אידישע איינוואוינער און בתי מדרשים.
