קומענדיגע וואך וועט כ"ק אדמו"ר מסקולען שליט"א פון ירושלים ארויספארן אויף א קורצע נסיעה קיין ניו יארק, צו באשיינען על ראש שמחתו ביים שמחת הברית פון א אייניקל, נאך וואס עס איז געבוירן געווארן די ערשטע בן זכר ביים רבינ'ס זון הרב יעקב יוסף פארטוגאל שליט"א, איידעם ביי כ"ק אדמו"ר מחוסט שליט"א פון בארא פארק.
דער רבי שליט"א וועט זיך ארויסלאזן אין וועג קומענדיגן זונטאג בהעלותך אויפדערנאכט, נאך די שמחת החתונה בבית גיסו הגה"צ ר' מנחם זאב שטערן שליט"א, זון פונעם רבינ'ס שווער און שוואגער הגה"צ אבד"ק סקולען בני ברק שליט"א.
מאנטאג פארטאגס וועט דער רבי לאנדן אין ניו יארק, און באלד צופארן קיין בארא פארק צו באשיינען די שמחת הברית פונעם אייניקל וואס קומט פאר מאנטאג אינדערפרי.
