שמחת בית תולדות אברהם יצחק: עס איז געשלאסן געווארן די שידוך פון א אייניקל ביי כ"ק אדמו"ר מתולדות אברהם יצחק שליט"א, די כלה א טאכטער פון זיין זון הגה"צ ר' ישראל קאהן שליט"א רב הקהילה אין ב"פ, איידעם ביי הגה"צ ר' דוד שווימער שליט"א דומ"ץ וויזניץ בית שמש, מיט די חתן א זון פון זיין שוואגער הרב מנחם מענדיל פרענקל שליט"א, זון פון הגה"צ ר' אהרן פרענקל שליט"א, אייניקל פון הרה"ק בעל אהבת ישראל מוויזניץ זי"ע, און איידעם ביי הגה"צ ר' דוד שווימער שליט"א דומ"ץ וויזניץ בית שמש.
שמחת בית סקווירא: היינט קומט פאר די שמחת השבע ברכות פונעם חתן יונגסטע זון פון הגה"צ ר' ישכר דוב טויב שליט"א אב"ד קאלוב וומס"ב, זון פון כ"ק אדמו"ר מקאלוב שליט"א, און איידעם ביי כ"ק אדמו"ר מדעעש שליט"א, מיט די כלה א טאכטער פון הרב חיים מאיר טווערסקי שליט"א, זון פון הגה"צ ר' אהרן מענדיל טווערסקי שליט"א, בנו הגדול פון כ"ק אדמו"ר מסקווירא שליט"א, און איידעם ביי הגה"צ אבד"ק גלאגוב זצ"ל. – די שמחת השבע ברכות קומט פאר אין די נייע ביהמ"ד אין קרית סקווירא בעטהעל.
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון בנו הגדול הגה"צ ר' חיים הערש טייטלבוים שליט"א אבד"ק סאטמאר ירושלים, בן הנולד ביי זיין איידעם הגה"צ ר' משה חיים לאבין שליט"א רב ביהמ"ד בית כהנא דקהל יטב לב ד'סאטמאר אין קרית יואל, זון פון כ"ק אדמו"ר מזידטשויב שליט"א פון וומס"ב. – די שמחה קומט פאר אין ביהמ"ד בית כהנא דקיט"ל סאטמאר אין קרית יואל.
היינט קומט פאר די שמחת הברית פון א אייניקל ביי כ"ק אדמו"ר מצאנז זוועהיל שליט"א, בן הנולד ביי זיין זון הרב צבי הלוי פריזאנט שליט"א, איידעם ביי הגה"צ ר' משה מענדיל שלאגער שליט"א, זון פון הגה"צ אבד"ק בוקשעוויץ זצ"ל, און איידעם ביי כ"ק אדמו"ר מטשערקאס שליט"א. – די שמחה קומט פאר אינעם היכל המתיבתא אין יוניאן סיטי.
היינט קומט פאר די שמחת השבע ברכות פונעם חתן א זון פון הגה"צ ר' אביגדור פאללאק שליט"א רב ביהמ"ד המרכזי אין רמה ה' בית שמש, זון פון כ"ק אדמו"ר מבערעגסאז שליט"א, און איידעם ביי כ"ק אדמו"ר מנחלת אהרן שליט"א, מיט די כלה א טאכטער פון הגה"צ ר' שלמה יהודה לאבין שליט"א, זון פון הגה"צ ר' אלכסנדר ליפא לאבין זצ"ל מזידטשויב, און איידעם ביי כ"ק אדמו"ר מזידטשויב ב"ב שליט"א. – די שמחת השבע ברכות קומט פאר אין ביהמ"ד בערעגסאז אין פתח תקוה.
היינט קומט פאר די שמחת החתונה פונעם חתן א זון פון הרב יהושע העשיל שטיינמעטץ שליט"א מנהל מכינה לישיבה באבוב 45, זון פון הגה"צ ר' יחיאל מיכל שטיינמעטץ שליט"א דומ"ץ סקווירא ב"פ בעל משיב נבונים, מיט די כלה א טאכטער פון הגה"צ ר' בערל גאלדמאן שליט"א אב"ד זוועהיל מאנסי, זון פון הגה"צ ר' שמואל גאלדמאן שליט"א מזוועהיל, און איידעם ביי הגה"צ ר' ארי' וואגשאהל שליט"א אבד"ק ראדאמישלא מאנסי. – די שמחת החתונה קומט פאר אין זאל ווילחאוויץ אין מאנסי.
כ"ק אדמו"ר מוויזניץ שליט"א פון מאנסי קומט היינט אן צוגאסט קיין לעיקוואד לטובת מוסדותיו הקדושים, די אכסניא איז אין שטוב פון הנגיד החסיד ר' יוסף אטלס הי"ו. א מעמד קבלת פנים קומט פאר היינט אויפדערנאכט אין ביהמ"ד תולדות מרדכי וויזניץ אין שטאט.
כ"ק אדמו"ר מסערדאהעלי שליט"א וועלכער איז געווען צוגאסט די לעצטע צען טעג אין ארץ ישראל, קערט זיך היינט צוריק למעון קדשו אין בארא פארק, היינט נאכט נאך תפילת מעריב וועט פארקומען א מעמד קבלת פנים לכבודו אין ביהמ"ד סערדאהעלי אין בארא פארק.
כ"ק אדמו"ר מקאפיטשניץ שליט"א וועלכער איז געווען צוגאסט די לעצטע פאר טעג אין אנטווערפן לרגל די שמחת החתונה פון א אייניקל, קערט זיך היינט צוריק למעון קדשו אין ירושלים עיה"ק.
היינט נאכט כ' סיון געפאלט די יומא דהילולא קדישא פון כ"ק אדמו"ר ממודזיץ זצ"ל בעל נחלת דן, בנו ממלא מקומו כ"ק אדמו"ר ממודזיץ שליט"א וועט אפרעכטן די יארצייט טיש היינט אויפדערנאכט אין ביהמ"ד הגדול מודזיץ אין בני ברק, און דערנאך ארויפגיין צום ציון הק' אויפן הר הזיתים בראש קהל חסידיו. בנו כ"ק אדמו"ר מקוזמיר שליט"א וועט אפרעכטן די יארצייט טיש היינט אויפדערנאכט אין ביהמ"ד קוזמיר אין בני ברק, און דערנאך ארויפגיין צום ציון הק' אויפן הר הזיתים בראש קהל חסידיו.
כ"ק אדמו"ר מזוטשקא אמסנא שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הרה"ק רבי נתן דוד מאמסנא זצ"ל, בבית מדרשו אויף רחוב יונה הנביא אין בני ברק.
היינט קומט פאר די מעמד התחלת כתיבת ספר תורה וואס ווערט געשריבן לכבודו ולזכותו פון כ"ק אדמו"ר מליסקא שליט"א, אינעם צייטווייליגן ביהמ"ד דקהל עטרת צבי מליסקא אויף די פופציגסטע סטריט אין בארא פארק.
היינט קומט פאר די מעמד הקמת המציבה על קברו פון הגה"צ רבי יוסף יהושע העשיל בלום זצ"ל גאב"ד קרית קאשוי, אויפן בית החיים אין קרית קאשוי בעדפארד היללס.
ניחום אבלים:
צו די פטירה פון הרבנית הצדיקת מראחמיסטריווקא ע"ה, אשת חבר כ"ק אדמו"ר הרה"ק מראחמיסטריווקא זצ"ל, זיצן שבעה די קינדער כ"ק מרנן האדמורי"ם מראחמיסטריווקא שליט"א, אין ראחמיסטריווקא בית המדרש אויף די פינף און פערציגסטע סטריט אין בארא פארק. די טעכטער הרבניות תליט"א זיצן שבעה אין שטוב פון די רעבעצין ע"ה אויף די פינף און פערציגסטע סטריט אין בארא פארק.
דער איינציגער ברודער כ"ק אדמו"ר מסקווירא שליט"א זיצט שבעה אין די אלטע בית המדרש אין שיכון סקווירא.
אריינצושיקן מודעות און נייעס, שיקט אן אימעיל צו NEWS@JDNMAIL.COM
