א אפענע השגחה פרטית געשיכטע האט זיך אפגעשפילט דעם ענדע וואך אינעם ווייטן פוילין, ווען א איד פון בארא פארק איז געפארן מיט א העליקאפטער פון ראדאשיץ קיין קערעסטיר, און א קורצע צייט דערויף נאך וואס די העליקאפטער האט אפגערייזט פון קערעסטיר אונגארן קיין פוילין, האט די העליקאפטער אראפגעראכט אין א געדעכטע וואלד, ווען דער נישט אידישער פילאט איז אומגעקומען אויפן פלאץ.
דער איד פון בארא פארק איז געפארן קיין פוילין מתפלל צו זיין ביי די מקומות הקדושים, און איז געווען ביים ציון הק' פון הרה"ק רבי ישכר בער הסבא קדישא מראדאשיץ זי"ע אין טאג פונעם יארצייט י"ח סיון. נאכן מתפלל זיין ביים ציון הק' אין ראדאשיץ איז ער געפארן מיט א העליקאפטער קיין קערעסטיר אונגארן, צו מתפלל זיין ביים ציון הק' פון הרה"ק רבי ישעי'לע קערעסטירער זי"ע.
באלד נאכן אפשטייגן פון די העליקאפטער אין קערעסטיר, האט די העליקאפטער זיך געהויבן מיטן פילאט פון קערעסטיר אויפן וועג צום זאטאר לופטפעלד אין פוילין, אבער א קורצע צייט דערויף האט די העליקאפטער אראפגעקראכט אין א געדעכטע וואלד אין א בערגיגע ראיאן, צווישן די שטעט לימינוב און אמסנא. דער פילאט איז אומגעקומען אויפן פלאץ, שאפנדיג א גרויסע השגחה פרטית אז דער איד איז שוין נישט געווען אויפן העליקאפטער.
