שמחת בית סקווירא: היינט קומט פאר די שמחת השבע ברכות פונעם חתן יונגסטע זון פון הגה"צ ר' ישכר דוב טויב שליט"א אב"ד קאלוב וומס"ב, זון פון כ"ק אדמו"ר מקאלוב שליט"א, און איידעם ביי כ"ק אדמו"ר מדעעש שליט"א, מיט די כלה א טאכטער פון הרב חיים מאיר טווערסקי שליט"א, זון פון הגה"צ ר' אהרן מענדיל טווערסקי שליט"א, בנו הגדול פון כ"ק אדמו"ר מסקווירא שליט"א, און איידעם ביי הגה"צ אבד"ק גלאגוב זצ"ל. – די שמחת השבע ברכות קומט פאר אין ביהמ"ד הגדול אין שיכון סקווירא.
שמחת בית ראחמיסטריווקא - טשערנאביל: היינט קומט פאר די שמחת השבע ברכות פון א אייניקל ביי כ"ק אדמו"ר מראחמיסטריווקא שליט"א פון לעיקוואד, די חתן א זון פון זיין זון הגה"צ ר' יוחנן טווערסקי שליט"א, איידעם ביי הגה"צ ר' אייזיק שנעעבאלג שליט"א אבד"ק מיקאלייעוו, מיט די כלה א טאכטער פון הגה"צ ר' חיים מתתיהו היילפערין שליט"א אבד"ק דאבשיץ, זון פון הגה"צ גאב"ד ראדאמישלא רמות זצ"ל, און איידעם ביי כ"ק אדמו"ר מטשערנאביל שליט"א. – די שמחת השבע ברכות קומט פאר אין ראחמיסטריווקא ביהמ"ד אין לעיקוואד.
שמחת בית לעלוב: היינט קומט פאר די שמחת החתונה פון א אייניקל ביי כ"ק אדמו"ר מלעלוב שליט"א פון ירושלים, די כלה א טאכטער פון זיין זון הגה"צ ר' דוד צבי ישראל בידערמאן שליט"א, מיט די חתן א זון פון הגה"צ ר' יחיאל מיכל גאלדמאן שליט"א אבד"ק זוועהיל ביתר, איידעם ביי הגה"צ ר' אהרן צבי רומפלער זצ"ל אבד"ק תהלות ישראל, איידעם ביי כ"ק אדמו"ר מקיוויאשד זצ"ל. – די שמחת החתונה קומט פאר אין אימפעריאל זאל אין וויליאמסבורג.
עס איז געשלאסן געווארן די שידוך פונעם חתן א זון פון הגה"צ ר' דוד פלאם שליט"א אבד"ק סטרעטין לעיקוואד, איידעם ביי הגה"צ אבד"ק סטריקוב שליט"א, מיט די כלה א טאכטער פון הגה"צ ר' משה יוסף אונסדארפער שליט"א אבד"ק זלאזשיץ, זון פון כ"ק אדמו"ר מזלאזשיץ שליט"א, און איידעם ביי הגה"צ אבד"ק בייטש זצ"ל.
עס איז געשלאסן געווארן די שידוך פונעם חתן א זון פון הגה"צ ר' יוסף מאיר שלום פאנעט שליט"א, זון פון כ"ק אדמו"ר מקאסאן ב"ב שליט"א, און איידעם ביי הגה"צ אבד"ק וואשארהעלי זצ"ל, מיט די כלה א טאכטער פון הגה"צ ר' אפרים יחזקאל פאנעט זצ"ל מדעעש רמת אהרן, זון פון כ"ק אדמו"ר מדעעש ירושלים זצ"ל, און איידעם ביי הגה"צ ר' יהודה יאקאב זצ"ל אבד"ק ראשון לציון.
מרנן ורבנן גדולי עולם התורה, ראשי הישיבות פון ארץ ישראל שליט"א, וועלכע זענען אנגעקומען דעם זונטאג קיין אמעריקע אויף די געהויבענע נסיעה לטובת קרן עולם התורה, וועלן היינט אנקומען קיין שיקאגא, וואו עס וועט פארקומען א רייע מסיבות און באנקעטן לטובת קרן עולם התורה.
היינט קומט פאר אן אסיפה שמירה לדורות פאר די עלטערן פון מוסדות סאטמאר אין וויליאמסבורג, אין זאל פון עידן פאלאס אין וויליאמסבורג, אין שפיץ פון כ"ק אדמו"ר מסאטמאר שליט"א.
היינט קומט פאר די מעמד הנחת אבן הפינה פאר די נייע ביהמ"ד דקהל יטב לב ד'סאטמאר שכונת רידזש אין מאנסי, אינאיינעם מיטן מעמד התחלת כתיבת ספר תורה וואס וועט ווערן אריינגעגעבן אין די נייע בית המדרש, די מעמד קומט פאר אינעם גרויסן זאל אין די גאלדען טעיסט קאמפלעקס אין מאנסי, אין שפיץ פון כ"ק אדמו"ר מסאטמאר שליט"א.
היינט קומט פאר די מעמד יקרא דאורייתא בחצר הקודש ביאלא, סיום מסכת מכות וואס איז געלערנט געווארן דורך די לומדי הכוללים מבשר טוב במסגרת תורת מבשר, עס קומט פאר אין די פראכטפולע פביליון זאל אין שכונת תלפיות אין ירושלים, אין שפיץ פון כ"ק אדמו"ר מביאלא שליט"א.
היינט קומט פאר א ספעציעלע מסיבת חיזוק והוקרה בחצר הקודש נדבורנא, פאר די אלע חסידים וואס זענען אנגעשלאסן אין די חבורה "בני חורין" זיך אפצושיידן פון די טעכנעלאגישע כלים, די מעמד קומט פאר אין זאל עטרת שיינדל אין בני ברק, אין שפיץ פון כ"ק אדמו"ר מנדבורנא שליט"א.
היינט קומט פאר די יערליכע דינער "בני חביבי" לטובת מוסדות צעהלים אין וויליאמסבורג, אין זאל פון כתר ריזל, אין שפיץ פון כ"ק אדמו"ר מצעהלים שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד סערט וויזניץ אין בית שמש, נדבת משפחת רוטנער שיחי', אין שפיץ פון כ"ק אדמו"ר מסערט וויזניץ שליט"א.
היינט קומט פאר די יערליכע כינוס פאר חבורות בחורי אלכסנדר, ביומא דהילולא קדישא פון הרה"ק רבי דוב בעריש מביאלא זי"ע, עס קומט פאר אין זאל היכל דוד נעבן ביהמ"ד אלכסנדר אין בני ברק, אין שפיץ פון כ"ק אדמו"ר מאלכסנדר שליט"א.
כ"ק אדמו"ר מסטריקוב ירושלים שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון הרה"ק רבי דוב בעריש מביאלא זי"ע, בבית מדרשו אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
