צענדליגע טויזענטער אידן בני תורה וחובבי תורה, חסידים ואנשי מעשה, זענען ערווארטעט ארויסצוקומען היינט נאכמיטאג לרחובה של עיר, אינעם עיר התורה והחסידות לעיקוואד, צו מקבל פנים זיין בהדרת כבוד די גדולי הדור פון ארץ ישראל, וועלכע זענען צוגאסט די טעג דאהי אין אמעריקע אויפצוטרייבן סכומים אדירים פארן קרן עולם התורה.
די גרויסארטיגע מעמד קבלת פנים וואס וועט פאראייניגן צענדליגע טויזענטער אידן פון אלע שיכטן און קרייזן, וועט פארקומען אין די גיגאנטישע פארקינג לאט ביי קליפטאן עוועניו צווישן די ניינטע און צענטע סטריט, נעבן די צענטראלע געביידעס פון ישיבה בית מדרש גבוה ד'לעיקוואד.
דורכאויס אלע שעות היינט דאנערשטאג ווערן געמאכט די נויטיגע צוגרייטונגען, דורך די בארימטע רענטעסטיק פארטי רענטל פירמע וועלכער איז באשטעלט געווארן אהערצושטעלן דעם גאנצן מעמד לכבודה של תורה, העפטיגע צוגרייטונגען וואס נעמט אריין שעות ארבעט צו פארזיכערן די הצלחה פונעם מעמד.
מיט די לאגיסטישע דעטאלן פון די גאנצע נסיעה פון די גדולי הדור, ארבעטן העפטיג די חשובע עסקנים פון אלי פריעדמאן פראדאקשענס, וועלכע פארזיכערן די מאקסימום הצלחה פון די גרויסע נסיעה לטובת די עולם התורה בארץ הקודש.
די רענטעסטיק פארטי רענטל פירמע שטייט שטענדיג גרייט פאר אלע אייערע שמחות און מעמדים, גרויסע מעמדים און קליינע, נויטיגע צוגרייטונגען און פארטי רענטל געברויכן, טישן בענק און בענקלעך, סטעידזשעס מחיצות און נאך פילע זאכן וואס וועט אייך אראפענעמען א דאגה פון קאפ.
