א שרעקליכע עקסידענט האט פאסירט די נאכט נעבן קרית יואל, ווען צוויי קארס האבן זיך צוזאמגעקראכט אין א שנעלן ספיד, און איין איד איז קריטיש פארוואונדעט געווארן רח"ל.
די עקסידענט האט פאסירט ארום איינס אזייגער ביינאכט אויף די רוט 208 נעבן קרית יואל, וואו די 208 טרעפט זיך צוזאם מיט אראנדזש ענד ראקלענד ראוד נעבן די אידישע גאז סטאנציע. צוויי קארס האבן זיך צוזאמגעקראכט אין א העד אן קאליזשאן, און ביידע קארס זענען צודריקט געווארן פארכאפנדיג עטליכע פאסאדזשירן.
חברה הצלה פון קרית יואל און נאך פילע עמערדזשענסי לייט זענען אנגעקומען אויפן סצענע און באהאנדלט די פארוואונדעטע, אריינגערעכנט א חתן פון ארץ ישראל, א תלמיד פון ישיבת אורייתא אין ירושלים, וואס זיין שמחת החתונה וואס איז באשטימט אויף חודש אב הבעל"ט, דער חתן איז קריטיש פארוואונדעט געווארן ליידנדיג פון טראמאטיק ארעסט, און איז געווארן אפגעפירט מיט א העליקאפטער צום וועסטשעסטער שפיטאל זייענדיג אין א שווערן צושטאנד. כלל ישראל ווערט גערופן צו מתפלל זיין לרפואתו, מאיר פנחס בן הדס אסתר בתוך שאר חולי ישראל.
אזוי אויך זענען נאך עטליכע פארוואונדעט געווארן, אריינגערעכנט דער דרייווער פון די טעקסי אין וואס דער איד איז געפארן. די לאקאלע פאליציי מיט עמערדזשענסי לייט פארשן אויס די אורזאך פון די עקסידענט.
