שמחת בית צאנז זוועהיל: היינט קומט פאר די שמחת השבע ברכות פון א אייניקל ביי כ"ק אדמו"ר מצאנז זוועהיל שליט"א, די חתן א זון פון זיין איידעם הגה"צ ר' יעקב בערגער שליט"א מו"ץ אין קרית צאנז נתני', מיט די כלה א טאכטער פון הגה"צ ר' יצחק נח האגער שליט"א, זון פון כ"ק אדמו"ר מאנטוניא שליט"א, און איידעם ביי כ"ק אדמו"ר מנדבורנא חיפה שליט"א. – די שמחת השבע ברכות קומט פאר דורכ'ן זיידן כ"ק אדמו"ר מצאנז זוועהיל שליט"א.
היינט קומט פאר די שמחת החתונה פונעם חתן הרב פנחס לייפער שליט"א, זון פון כ"ק אדמו"ר מטעמעשוואר ב"פ שליט"א, איידעם ביי הגה"צ ר' דוב זונענבאנד שליט"א רב חסידי אלכסנדר אין ארץ ישראל. מיט די כלה א טאכטער פון הרב יחזקאל שרגא פריעדמאן שליט"א. – די שמחת החתונה קומט פאר אין די קראון באללרום אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מלוצק שליט"א, אור אייניקל פון כ"ק אדמו"ר מאלכסנדר שליט"א, א זון פון זיין זון הגה"צ ר' יעקב יהודה משה שוחט שליט"א, איידעם ביי הגה"צ ר' גדלי' משה גאלדמאן שליט"א מזוועהיל. – די שמחה קומט פאר אין ביהמ"ד לוצק אין ירושלים.
היינט ט"ו תמוז געפאלט די יומא דהילולא קדישא פון כ"ק אדמו"ר הרה"ק רבי דוד משה מקרעטשניף זצ"ל, בנו בכורו ממלא מקומו כ"ק אדמו"ר מקרעטשניף שליט"א וועט פוקד זיין דעם ציון הק' מיטאג צייט אויפן בית עלמין אין רחובות, און שפעטער פארנאכטס אפרעכטן די צענטראלע יארצייט טיש אין ביהמ"ד הגדול אין קרית קרעטשניף רחובות, אינאיינעם מיטן שמחת הבר מצוה פון א אור אייניקל, אייניקל פון כ"ק האדמורי"ם מתולדות אברהם יצחק, זידטשויב, און זידטשויב ווערצקי שליט"א.
כ"ק אדמו"ר מטאהש שליט"א וועט היינט נאכמיטאג פוקד זיין דעם ציון הק' פון אביו הרה"ק מטאהש זי"ע און אויסזאגן גאנץ ספר תהלים, לרגל די יומא דהילולא קדישא פונעם הייליגן אור החיים הק' זי"ע. שפעטער פארנאכטס וועט דער רבי שליט"א אפרעכטן די יארצייט טיש אין ביהמ"ד הגדול אין קרית טאהש.
כ"ק אדמו"ר מקרעטשניף י"ם שליט"א וועט היינט פארנאכטס אפרעכטן די יארצייט טיש לרגל די הילולא קדישא פונעם הייליגן אור החיים הק' זי"ע, בבית מדרשו אויף רחוב אבינועם ילין אין ירושלים.
כ"ק אדמו"ר מקאפיטשניץ שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הרה"ק רבי אברהם יהושע העשיל מקאפיטשניץ זצ"ל, אין ביהמ"ד קאפיטשניץ אויף רחוב עזרת תורה אין ירושלים.
היינט נאכט ט"ז תמוז געפאלט די יומא דהילולא קדישא פון כ"ק אדמו"ר מבלאזוב זצ"ל בעל יציבא בארעא, בנו כ"ק אדמו"ר מבלאזוב שליט"א וועט אפרעכטן די יארצייט טיש בבית מדרשו אין בארא פארק. בנו כ"ק אדמו"ר מבלאזוב ריבאטיטש שליט"א וועלכער איז אנגעקומען צוגאסט קיין ארץ ישראל לכבוד די יארצייט, וועט היינט אויפדערנאכט אפרעכטן די יארצייט טיש אין בנין כולל חבת ירושלים אין ירושלים עיה"ק.
כ"ק אדמו"ר משאץ וויזניץ שליט"א איז אנגעקומען צוגאסט קיין לאנדאן לטובת מוסדותיו הקדושים, דער רבי שליט"א וועט זיך אויפהאלטן די קומענדיגע וואך צייט אין די גאלדערסגרין געגנט, אין שטוב פון הנגיד החסיד ר' משה ווייס הי"ו.
כ"ק אדמו"ר מזידטשויב פרעמיסלא שליט"א וועלכער האט זיך אויפגעהאלטן די לעצטע וואך צייט אויף א מסע הקודש קיין אייראפע, לרגל די יומא דהילולא קדישא פון הרה"ק בעל עטרת צבי מזידטשויב זי"ע, קערט זיך היינט צוריק למעון קדשו אין מאנסי.
היינט קומט פאר די מעמד החומש סעודה פאר די ילדי כתה א' אין ת"ת ישועות משה וויזניץ אין ביתר, עס קומט פאר אין ביהמ"ד בית אהרן קארלין אויף רחוב פחד יצחק אין ביתר.
