היינט קומט פאר די שמחת הבר מצוה פון א אייניקל ביי כ"ק אדמו"ר מתולדות צבי ספינקא שליט"א, א זון פון בנו הגדול הגה"צ ר' יחזקאל שרגא הורוויץ שליט"א דומ"ץ ספינקא, איידעם ביי כ"ק אדמו"ר מבורשטין שליט"א. די שמחה קומט פאר אין ישיבה גדולה תורת צבי ספינקא אין טשעסטער ניו יארק.
היינט קומט פאר די שמחת הברית פון א אייניקל ביי כ"ק אדמו"ר מסוליצא שליט"א, בן הנולד ביי זיין זון הרב יצחק רובין שליט"א, איידעם ביי הגה"צ אבד"ק טאמאשוב שליט"א. - די שמחה קומט פאר אין ביהמ"ד סוליצא אין פאראקאוועי.
עס איז געשלאסן געווארן די שידוך פונעם חתן א זון פון הגה"צ ר' איתמר לייפער שליט"א, זון פון כ"ק אדמו"ר מבישטינא שליט"א, איידעם ביי כ"ק אדמו"ר ממעליץ שליט"א פון אשדוד, און איידעם ביי הגה"צ ר' יוסף קדיש בראנדסדארפער שליט"א אב"ד קהילות החסידים אין טבריה, מיט די כלה א טאכטער פון זיין פעטער הגה"צ ר' משה שנעעבאלג שליט"א, זון פון הגה"צ ר' אליעזר ליבר שנעעבאלג שליט"א אבד"ק עדזשווער, און איידעם ביי הגה"צ ר' מאיר בראנדסדארפער זצ"ל בעל קנה בושם וחבר ביד"ץ העדה החרדית.
כ"ק אדמו"ר מבלאזוב ריבאטיטש שליט"א וועלכער איז צוגאסט די טעג אין ארץ ישראל, וועט היינט פארמיטאג פוקד זיין דעם ציון הב' פון אביו כ"ק אדמו"ר מבלאזוב זצ"ל בעל יציבא בארעא, לרגל די הילולא קדישא וואס געפאלט היינט ט"ז תמוז.
כ"ק אדמו"ר מקאפיטשניץ שליט"א וועט היינט פוקד זיין דעם ציון הק' פון זקינו הרה"ק רבי אברהם יהושע העשיל מקאפיטשניץ זצ"ל, לרגל די הילולא קדישא וואס געפאלט היינט ט"ז תמוז.
כ"ק אדמו"ר מתולדות אברהם יצחק שליט"א קומט היינט אן קיין הר יונה אין נוף הגליל, וואו דער רבי וועט זיך אויפהאלטן די קומענדיגע זוממער וואכן אויף אפרוה.
כ"ק אדמו"ר משינאווא שליט"א וועלכער האט זיך אויפגעהאלטן די לעצטע צוויי וואכן אין אנטווערפן, בצל חותנו הגדול כ"ק אדמו"ר מפשעווארסק שליט"א, קערט זיך היינט צוריק למעון קדשו אין מאנסי.
