נעכטן דינסטאג איז כ"ק אדמו"ר מסאטמאר שליט"א אנגעקומען אויף א באזוך אין קרית יואל, אין שטוב פונעם לעגענדארן בונה ומקים מוסדות התורה הרבני הנגיד ר' ישראל דוב גאלדבערגער ע"ה, שטייענדיג בלויז עטליכע חדשים נאך זיין פטירה.
דערביי איז פארגעקומען א מסיבת לחיים לכבודו פון זיין זון הרבני הנגיד ר' אברהם יודא גאלדבערגער הי"ו, וועלכער האט זיך אונטערגענומען א פאנטאסטישע נדבה פון צען מיליאן דאללער, אויפצובויען א שפאגל נייע בנין בית רחל, די דריטע בנין פאר בית רחל אין קרית יואל, נעבן די עקזיסטירנדע בניני המוסדות אויף י. ד. גאלדבערגער דרייוו.
נאכן מסיבה האט דער רבי שליט"א געדאווענט מעריב דארט אין שטוב, זייענדיג דער שליח ציבור לרגל די יארצייט פון אמה של מלכות הרבנית הצדיקת מסאטמאר ע"ה, מחברתו הטהורה פון כ"ק אדמו"ר הרה"ק בעל ברך משה מסאטמאר זצ"ל.
