אידישע קינדער זענען מתפלל ומעתיר בתפילה לרפואת כ"ק אדמו"ר מאוזרוב שליט"א, וועלכער איז היינט אינדערפרי אריינגעפירט געווארן צו די שיבא תל השומר שפיטאל נאכן ליידן פון א שווערע הארץ אטאקע ל"ע.
דער רבי שליט"א האט זיך געשטעלט דאווענען שחרית ווי געווענליך בבית מדרשו קהל אוזרוב חאנטשין אויף רחוב חזון איש אין בני ברק, אינמיטן דאווענען איז דער רבי ארויס נאכן זיך נישט גוט שפירן, און באלד דערויף איז ער צוזאמגעפאלן ל"ע, חברה הצלה איז אלארמירט געווארן און זיי האבן באהאנדלט דעם רבי'ן און אים אפגעפירט אין שפיטאל פאר באהאנדלונגען.
אנקומענדיג אין שפיטאל האט מען דורכגעפירט א סטענד פראצעדור אויפן הארץ, און די דאקטוירים דרוקן אויס האפענונג אז דער רבי וועט בעז"ה צוריקקומען צו די כוחות אין די נאנטע טעג. אידישע קינדער זענען מתפלל פאר כ"ק מרן תנחום בנימין בן מרים בתוך שאר חולי ישראל.
