אלפי חסידי בעלזא זענען דעם שבת ביי קריאת התורה איבערראשט געווארן ברגשי שבח והודאה, ווען כ"ק אדמו"ר מבעלזא שליט"א האט גומל געבענטשט בשם ומלכות, שטייענדיג גענוי א יאר נאך א אפעראציע וואס דער רבי שליט"א איז אריבער מיט הצלחה ב"ה.
פארגאנגענעם חודש אלול תשפ"ה איז דער רבי שליט"א אריבער א שווערן דורכגאנג אין געזונט, און האט געדארפט אריבערגיין אן אפעראציע, וואס איז ב"ה געקרוינט געווארן מיט הצלחה, אין די צייט וואס אלפי חסידי בעלזא איבער די וועלט האבן מתפלל ומעתיר געווען לרפואתו.
נאכן עליה לתורה היינט שבת כי תצא אינדערפרי, בהיכל ביהמ"ד הגדול אין קרית בעלזא ירושלים, האט דער רבי שליט"א געזאגט דעם ברכת הגומל בשם ומלכות, צו דאנקן און לויבן דעם אויבערשטן אויף די גרויסע חסדים.
אין אנדערע נייעס האט הגאון הגדול רבי אברהם יהושע סאלאווייטשיק שליט"א ראש ישיבת בריסק געבענטשט גומל דעם שבת, אינעם גרויסן היכל פון ישיבת בריסק אין ירושלים. נאכן זיך ערהוילן פון א שווערע דורכגאנג אין געזונט, באלד נאכן דאווענען האבן די תלמידי הישיבה זיך ארויסגעלאזט אין פרייליכע טענץ צו דאנקן און לויבן דעם אויבערשטן אויף די גרויסע חסדים.
