כ"ק אדמו"ר מבאבוב 45 שליט"א איז היינט זונטאג ארויסגעפלויגן אויף א בליץ נסיעה קיין ארץ ישראל, צו מנחם אבל זיין ביי מקרובו הרב החסיד בנש"ק ר' חנוך סגל הי"ו, לאנגיעריגער בעל אכסניא פון רבי'ן און ראש הקהל דחסידי באבוב 45 בארץ הקודש, וועלכער זיצט שבעה נאך די פלוצלינגדיגע פטירה פון זיין רעבעצין ע"ה.
די נפטרת ע"ה איז געווען א טאכטער פון הרה"צ ר' יהושע הורוויץ ז"ל, אן אייניקל בן אחר בן פון הרה"ק בעל עטרת ישועה מדזיקוב זי"ע ולמעלה בקודש, און א אייניקל פון הרה"ק בעל אהבת ישראל מוויזניץ זי"ע, און נאך פילע צדיקים וקדושים.
דער רבי שליט"א איז ארויסגעפארן קיין ארץ ישראל היינט זונטאג, און איז ערווארטעט זיך צוריקקערן אהיים קיין ניו יארק דעם קומענדיגן מיטוואך.
