פארלאפענעם שבת קודש פרשת יתרו, איז געווען צוויי שיינע שבתים אין צוויי גרויסע חסידישע הויפן, איין גרויסע שבת אין שיכון וויזניץ מאנסי, ווען עס האט געוויילט צוגאסט דער אורח הכבוד כ"ק אדמו"ר מויזניץ שליט"א וועלכער איז געקומען צו פארן פון ארץ ישראל אויפטרייבן גרעסערע סכומים לטובת די השלמת קרן הבנין פון די נייע בית המדרש אין קרית ויזניץ בני ברק, און האט געפראוועט שבת אויף א ברודערליכע פארנעם אינאיינעם מיט זיין ערשטע קאזין כ"ק אדמו"ר מוויזניץ שליט"א פון מאנסי.
נאך א גרויסע שבת איז געווען בחצר הקודש סקווירא, ווען עס האט געוויילט צוגאסט דעם רבינ'ס פלומעניק כ"ק אדמו"ר מראחמיסטריווקא שליט"א, וועלכער איז געקומען מיטהאלטן די שמחת השבע ברכות פון א אייניקל, מיט די כלה עלטסטע אור אייניקל פון כ"ק אדמו"ר מסקווירא שליט"א.
ביי ביידע הויפן האבן די חסידים און עסקנים אריינגעלייגט שטארקע כוחות צו אנטפאנגען די חשובע געסט בכבוד הראוי, און לקראת דעם שבת קודש פרשת משפטים, איז ארויסגעשטעלט געווארן מטעם הקהילות מודעות הכרת הטוב פאר די חשובע בעלי אכסניא, פאר זייער שלימות'דיגע הילף אין אלע הינזיכטן.
