אין די יעצטיגע טעג איז באשטעטיגט געווארן אז כ"ק אדמו"ר מוויזניץ שליט"א פון מאנסי, וועט אונטערנעמען א צוויי טאג בליץ נסיעה קיין פוילין צו פוקד זיין די מקומות הקדושים, אינאיינעם מיט די נגידי ותומכי המוסדות, דעם קומענדיגן פרשת שמיני הבעל"ט, בפרוס ימי ההילולא פונעם הייליגן רבי'ן ר' אלימלך פון ליזענסק זי"ע.
די נסיעה איז געאייגענט פאר די אינגעלייט און בעלי בתים וואס שליסן זיך אן מיטן סכום פון 5400$ און העכער אויף א יערליכע פארנעם, די נסיעה וועט זיך אנהייבן זונטאג פרשת שמיני ביינאכט מוצאי כ"א אדר ב', און צומארגנס פון די הילולא קדישא וועט מען פוקד זיין דעם ציון הק' פונעם הייליגן רבי'ן ר' אלימלך זי"ע בהתעוררות רב, דערנאך וועט מען ממשיך זיין די נסיעה צו נאך עטליכע קברי צדיקים, און א ספעציעלע עלעגאנטע מעמד וועט פארקומען לכבודם פון די נדיבים בעם. מיטוואך אויפדערנאכט וועט דער רבי שליט"א זיך צוריקקערן קיין ניו יארק אינאיינעם מיט די פמליא.
