מאסן עמערדזשענסי קרעפטן האבן זיך אראפגעלאזט אין די פריערדיגע שעות אין די היימישע געגנט אין וויליאמסבורג, צו זוכן נאך א פארלוירענע אינגל וואס איז שוין נישט געזעהן געווארן פאר עטליכע שעה, א באזארגענדע געשיכטע וואס האט זיך ב"ה געענדיגט פרייליכערהייט.
דאס עלף יעריג קינד איז פארלוירן געווארן אין די פארמיטאג שעות אין די געגנט פון דריגס עוועניו און דיוויזשאן, וויליאמסבורג שומרים זענען געבעטן געווארן ארויסצוהעלפן מיט די זוכעריי, און ארום איינס אזייגער האט מען פילפאכיג פארברייטערט די זוכעריי אקטיוויטעטן מיט פאליציי און די שטאטישע עמערדזשענסי אגענטורן, באגלייט מיט שמעק הונט און א העליקאפטער פון אויבן.
די באאמטע האבן ארויסגעשטעלט א ביטע צום פאבליק ארויסצוהעלפן מיט די זוכעריי, און האבן ארומגעשיקט א בילד פון דאס אינגל, און נאך געוויסע פרטים איבער זיין אויסזעהן, בחסדי השם איז אנגעקומען די פרייליכע בשורה אז מען האט אים געטראפן אין א גוטע צושטאנד ב"ה.
