מיט גרויס שמחה איז היינט אויפגענומען געווארן די פרייליכע נייעס, אז הגה"צ ר' געציל בערקאוויטש שליט"א דומ"ץ קרית יואל ובעל אגלי דבש, איז ב"ה באפרייט געווארן פון שפיטאל היינט מיטוואך, נאכן זיין שפיטאליזירט פאר עטליכע וואכן צוליב פארשידענע געזונטהייט קאמפליקאציעס.
דורכאויס די לעצטע פאר וואכן האבן תלמידי וחסידי סאטמאר מתפלל געווען לרפואתו השלימה, ווען זיין מצב הבריאות האט געזעהן עליות און ירידות, דורכאויס די תקופה איז כ"ק אדמו"ר מסקווירא שליט"א געווען אויף ביקור חולים ביים דיין, זייענדיג אין די זעלבע שפיטאל ווי מחברתו הטהורה הרבנית מסקווירא ע"ה, און נעכטן אויפדערנאכט איז כ"ק אדמו"ר מסאטמאר שליט"א אנגעקומען אויף ביקור חולים ביים דיין שליט"א אין די מאונט סיני שפיטאל.
