מיט שאק און שוידער איז היינט נאכמיטאג אין ארץ ישראל אנגעקומען די שרעקליכע בשורה, איבער די פטירה פון הרב החסיד המפואר ר' יחיאל האס ע"ה, משב"ק כ"ק אדמו"ר מוויזניץ שליט"א פון בית שמש, וועלכער איז פלוצלינג צוזאמגעפאלן ביי זיך אינדערהיים, אין עלטער פון 72 יאר.
ר' יחיאל איז געווען א זון פון הרב החסיד ר' משה יוסף האס ע"ה מחשובי חסידי וויזניץ און אנטוניא, לאנגע יארן האט ער געוואוינט אין בני ברק, און פלעגט פארן קיין מאנסי להסתופף בצל הקודש פון הרה"ק בעל תורת מרדכי מוויזניץ זי"ע. אין די לעצטע פאר יאר האט ער זיך אריבערגעצויגן קיין בית שמש, וואו ער איז אויפגענומען געווארן אלס משמש בקודש און קוויטל שרייבער ביי כ"ק אדמו"ר מוויזניץ שליט"א פון בית שמש.
די לוויה איז ארויס היינט שפעט נאכמיטאג פון ביהמ"ד הגדול וויזניץ אין בית שמש, דערנאך ביים בית הלוויות שמגר אין ירושלים, און ביינאכט איז ער געקומען לקבורה אויפן הר המנוחות.
