היינט נאכט כ"ט אדר ב' געפאלט די יומא דהילולא קדישא פון כ"ק אדמו"ר הרה"ק בעל תורת מרדכי מוויזניץ זי"ע, טויזענטער חסידי וויזניץ וועלן זיך פארזאמלען מארגן פארנאכטס צו די צענטראלע יארצייט טיש אין שפיץ פון די קינדער כ"ק מרנן האדמורי"ם שליט"א, וואס וועט פארקומען אין ביהמ"ד הגדול אין שיכון וויזניץ מאנסי. בנו כ"ק אדמו"ר מוויזניץ שליט"א פון לאנדאן וועלכער איז שוין געווען דאהי אין ניו יארק ביים יארצייט אדר א', און דעמאלטס פוקד געווען דעם ציון הק' לכבוד די יארצייט, וועט אפרעכטן די יארצייט טיש אין ביהמ"ד הגדול וויזניץ אין לאנדאן.
פילע אידן אין שפיץ פון די קינדער האדמורי"ם וועלן פוקד זיין דעם ציון הק' אויפן וויזניצע בית החיים אין מאנסי להיפקד בדבר ישועה ורחמים, כ"ק אדמו"ר מוויזניץ שליט"א פון מאנסי וועט ארויפגיין צום ציון הק' צוועלף אזייגער מיטאג, כ"ק אדמו"ר מוויזניץ שליט"א פון קייאמישע וועט ארויפגיין צום ציון הק' צוויי אזייגער נאכמיטאג, און דערנאך פוקד זיין דעם ציון הק' פון זקינו הרה"ק מסקווירא זי"ע אויפן בית החיים אין שיכון סקווירא לקראת די יומא דהילולא קדישא דעם מיטוואך, שפעטער נאכמיטאג וועט דער רבי אויפנעמען דעם ציבור אין שטוב פון הנגיד החסיד ר' יודא יואל ראזענפעלד הי"ו. כ"ק אדמו"ר מוויזניץ שליט"א פון וויליאמסבורג וועט ארויפגיין צום ציון הק' פיר אזייגער נאכמיטאג, און דערנאך אויפנעמען דעם ציבור אין שטוב פון הנגיד החסיד ר' מענדיל פינקאסאוויטש הי"ו. כ"ק אדמו"ר מוויזניץ שליט"א פון ירושלים וועט ארויפגיין צום ציון הק' דריי אזייגער נאכמיטאג, און דערנאך אויפנעמען דעם ציבור אין שטוב פון הנגיד החסיד ר' ברוך משה ראזענפעלד הי"ו. כ"ק אדמו"ר מוויזניץ שליט"א פון מאנטריאל וועט ארויפגיין צום ציון הק' צוועלף דרייסיג מיטאג, און דערנאך אויפנעמען דעם ציבור אין שטוב פון הנגיד החסיד ר' חיים מאיר ציג הי"ו. כ"ק אדמו"ר מוויזניץ שליט"א פון בית שמש וועט ארויפגיין צום ציון הק' א פערטל נאך איינס מיטאג, און דערנאך אויפנעמען דעם ציבור אין שטוב פון הרב החסיד ר' יצחק הערצאג הי"ו. כ"ק אדמו"ר מוויזניץ שליט"א פון בארא פארק וועט ארויפגיין צום ציון הק' פינף אזייגער נאכמיטאג, בעפאר דעם וועט דער רבי אויפנעמען דעם ציבור אין שטוב פון הנגיד החסיד ר' מאיר זלמן שטעג הי"ו.
