בחצר הקודש טשערנאביל אין בני ברק איז אין די יעצטיגע טעג אונטערגענומען געווארן די ערשטע טריט אריין אין א היסטארישע פראיעקט, אויפצובויען א גרויסארטיגע בנין בית המדרש פאר די קהילה, בית מדרשו פון כ"ק אדמו"ר מטשערנאביל שליט"א, צו קענען אקאמאדירן דעם וואקסנדן ציבור בליעה"ר בעת די תפילות און די עריכת השולחנות בחצר הקודש.
אין די לעצטערע יארן איז דורכגעפארן פארשידענע פלענער ביי די עסקני הקהילה, און אין די יעצטיגע טעג איז אין א מזל'דיגע שעה באשטעטיגט געווארן די ערשטע שלב אינעם בוי פראיעקט.
אצינד ווען מ'גרייט זיך אנצוהייבן בויען אויפן שטח פון בית המדרש, איז געמאלדן געווארן אז אין די קומענדיגע תקופה וועלן אלע תפילות און טישן פארקומען אינעם זעלבן פלאץ, די היכל התפילה בבנין ביהמ"ד טשערנאביל, און דעריבער וועט מען יעצט פארשענערן און פארבעסערן דעם היכל לרווחת הציבור.
