א שרעקליכע עקסידענט האט פאסירט נעכטן אויפדערנאכט עטליכע מינוט נאך צען, אויף די ניו יארק סטעיט טרואוועי אויפן וועג פון מאנסי קיין קרית יואל, וואו צוויי קארס האבן זיך צוזאמגעקראכט אויף גאר א שווערע פארנעם, און עטליכע מענטשן זענען פארוואונדעט געווארן.
הגה"צ ר' אהרן זאב מאליק שליט"א אבד"ק סאמבור פון וויליאמסבורג, וועלכער איז געזעסן אין די פאדערשטע קאר, איז קריטיש פארוואונדעט געווארן אין די עקסידענט, הצלה האט אפגעפירט דעם רב מיט א העליקאפטער צו די וועסטשעסטער שפיטאל, וואו דורכאויס די נאכט איז דער רב אדורך א קאמפליצירטע אפעראציע, און די מצב האט זיך ב"ה עטוואס סטאבליזירט.
כלל ישראל ווערט גערופן צו מתפלל זיין לרפואתו השלימה, הרה"צ רבי אהרן זאב בן בראנא לרפואה שלימה.
