נעכטן דאנערשטאג ביינאכט ארום אכט דרייסיג, איז א חרדי'שער אינגערמאן געשטאכן געווארן עטליכע מאל, נעבן זיין שטוב אין ניו סיטי געגנט נעבן מאנסי, דורך א פארשוין וואס האט אים אפגעווארט דארט אויפן פלאץ.
די אינצידענט האט פאסירט אויף טרעילסייד פלעיס, וואס געפונט זיך נעבן די פאליסעידס פארקוועי אויף די אנדערע זייט פון סקווירא שטעטל, דער אינגערמאן איז אפגעפירט געווארן צום וועסטשעסטער שפיטאל אין א שווערע צושטאנד, דורכאויס די נאכט איז ער אריבער א קאמפליצירטע אפעראציע, און בחסדי השם טוט ער זיך ערהוילן דארט אין שפיטאל, אין די צייט וואס כלל ישראל איז מתפלל לרפואתו, אליעזר בן גליא עלקא בתוך שאר חולי ישראל.
א ברייטע אויספארשונג איז אונטערגענומען געווארן דורך די פאליציי און עמערדזשענסי אגענטורן, נאך וואס דער פארברעכער האט באוויזן צו אנטלויפן, פאליציי האט אפירגעהאלטן און אויסגעפארשט א פארדעכטיגטער פארשוין, וועלכער האט געלייקנט סיי וועלכע פארבינדונג, היינט צופרי האט די פאליציי באפרייט דעם פארשוין נאכן נישט האבן גענוג באווייז אויף אים, און א אויספארשונג גייט ווייטער אן.
