גרויס פחד און אנגסט שוועבט אויף אחינו בני ישראל דרי ארץ הקודש, נאך וואס די גאנצע לאנד איז איינגעהילט אין מלחמה פולווער, ווען איראן אטאקירט מדינת ישראל דירעקט אויף א שרעקליכע פארנעם, עס האט ב"ה דערווייל נישט געקאסט קיין אידישע קרבנות, אבער די פחד און מורא איז אויף גאר א הויכע שטאפל, און כלל ישראל איז אנגעוויזן אויף רחמי שמים און שמירה עליונה.
היינט מוצאי שבת איז ארויסגעגעבן געווארן די הוראת הקודש דורך פילע גדולי הדור, צווישן זיי כ"ק האדמורי"ם מגור און וויזניץ שליט"א, אז מען זאל אפרופן די סדרי הלימודים אין די מוסדות התורה פאר די קומענדיגע צוויי טעג, און מוסיף זיין בלימוד התורה לשמירה עליונה. כ"ק אדמו"ר מגור שליט"א וועלכער האט געוויילט די לעצטע צוויי וואכן אין שטאט ערד אויף אפרוה, איז היינט מוצאי שבת אהיימגעפארן למעון קדשו אין ירושלים, נאך וואס דארט אין דרום הערשט א שטערקערע סכנה ה"י.
