שטייענדיג עטליכע וואכן נאך די גרויסע חנוכת הבית פאר די נייע וויזניצע בית המדרש אין רמה ד' געגנט אין בית שמש, תחת דגלו והדרכתו פון כ"ק אדמו"ר מוויזניץ שליט"א פון בית שמש, איז געמאלדן געווארן איבער די התמנות פונעם רבינ'ס איידעם הרה"ג ר' שניאור זלמן ארנסטר שליט"א צו דינען אלס רב הקהילה.
הרה"ג ר' שניאור זלמן ארנסטר שליט"א איז דער פערטער איידעם פונעם רבי'ן, א זון פון הרה"ג ר' דוד דוב ארנסטר שליט"א, און אייניקל פון הגה"צ ר' וועלוויל ארנסטר שליט"א אבד"ק מאור חיים ירושלים. אין די נאנטע תקופה וועט ער זיך אריבערציען צו די נייע רמה ד' געגנט צו אנפירן די קהילה, און שטיין צוהילף פאר די צענדליגע אינגעלייט חברי הקהילה.
די מעמד ההכתרה וועט פארקומען דעם מיטוואך נאכט אין ביהמ"ד בית מרדכי דחסידי וויזניץ בית שמש אין די רמה ד' געגנט, תיכף נאכן יארצייט טיש בחצר הקודש וויזניץ אין בית שמש, לרגל די יומא דהילולא קדישא פון הרה"ק בעל אמרי חיים מוויזניץ זי"ע.
