די איקאנישער באקאנטער געביידע אין בארא פארק, ביים ווינקל פון נוא יוטרעקט און די דריי און פערציגסטע סטריט, איז אין די יעצטיגע טעג געווארן צוזאמגעווארפן, אין בעפארברייטונג צו א מאסיווע בוי פראיעקט דורך די וואוילטעטיגע HCS ארגענעזאציע.
די געביידע איז באקאנט ביי תושבי בארא פארק מיטן נאמען "אולם הגדול", צוליב איר ריזן היכל – וועירהאוז, וואס האט געדינט אלס אכסניא פאר צענדליגע ריזיגע רעבישע חתונות און גרויסארטיגע מעמדים, אסאך גדולי האדמורי"ם האבן דארט געפראוועט געהויבענע שמחות, און צענדליגע גרויסארטיגע מעמדים איז פארגעקומען אין דעם בנין, וואו עס איז איינקאסירט געווארן מיליאנען דאללארן להחזקת תורה ולומדיה.
מיט איבער א יאר צוריק איז געמאלדן געווארן אז די באקאנטע HCS ארגענעזאציע איז אריין אין קאנטראקט אפצוקויפן דעם נאסטאלגישן געביידע, מיטן פלאן דאס אראפציווארפן, און אויפן ארט אויפבויען א גרויסע פראיעקט צוצושטעלן הילף פאר די ארגענעזאציע, אזוי אויך וועט דארט געבויעט ווערן א ריזן אודיטוריום, און נאך פארשידענע איינריכטונגען וואס וועט צוהעלפן איינוואוינער אין די געגנט.
פארלאפענעם סוף וואך האבן זיך באוויזן טראקטארס אויפן ארט, און אין די לעצטערע טעג האט מען אנגעהויבן די ארבעט צו צאמווארפן די אלטע געביידע, סותר על מנת לבנות.
זעה בייגעלייגט: בילדער פון עטליכע גרויסע רעבישע שמחות און מעמדים אין דעם זאל אין לויף פון די לעצטערע יארן
בילדער פון עטליכע גרויסע רעבישע שמחות און מעמדים אין דעם זאל אין לויף פון די לעצטערע יארן
צוויי גרויסע שבתים אין בארא פארק בצל הקודש פון כ"ק אדמו"ר מויזניץ שליט"א – חשון תשע"ג און חשון תשע"ח
שמחת החתונה בחצרות וויזניץ – וויען – סערדאהעלי – חודש כסלו תש"פ
עטליכע גרויסע חתונות בחצר הקודש באבוב 45
שמחת החתונה פון א אייניקל ביי כ"ק אדמו"ר מסאטמאר שליט"א, הכלה בת לבנו הגה"צ אבד"ק סיגעט שליט"א – חודש טבת תשע"ז
שמחת החתונה פון הכלה בת כ"ק אדמו"ר מוויזניץ שליט"א פון בארא פארק – חודש חשון תשפ"ב
שמחת החתונה בחצרות מונקאטש – חודש אדר ב' תשס"ח
