א ביטערע עקסידענט האט פאסירט היינט נאכמיטאג אין וויליאמסבורג, וואו א יונג מיידל איז טראגיש פארשניטן געווארן רח"ל, ווען צוויי קארס האבן זיך צוזאמגעקראכט און אראפגעקלאפט דאס מיידל ה"י.
די עקסידענט האט פאסירט ארום האלב נאך צוויי, ביים ווינקל פון ווייט עוועניו און וואלאבאוט, הצלה איז אין איילעניש אנגעקומען אויפן סצענע און פרובירט צו ראטעווען דאס מיידל, מען האט איר אפגעפירט אין שפיטאל, וואו עס איז ליידער באשטעטיגט געווארן אז זי האט עס נישט איבערגעלעבט ה"י.
דאס קינד הילדה יטל ווערצבערגער ע"ה, א טאכטער פון הרב החסיד ר' יחיאל ווערצבערגער הי"ו מחשובי חסידי וויזניץ אין וויליאמסבורג, איז געווען היינט אין די וויזניצע מיידל שולע אויף פרענקלין, וואו זי האט ארויסגעהאלפן די פרי סקול מיידלעך לכבוד יום טוב. אויפן וועג אהיים איז זי ליידער אראפגעקלאפט געווארן נישט ווייט פון די שולע געביידע.
שנשמע ונתבשר בשורות טובות.
