בשליחות הקודש פון כ"ק אדמו"ר מסקווירא שליט"א, וועלן די הונדערטער חסידים תושבי וויליאמסבורג האבן די זכיה צו מקבל זיין דעם חשובן גאסט, בנו הגדול פון רבי'ן הגה"צ ר' אהרן מענדיל טווערסקי שליט"א, וועלכער וועט קומען פראווענען א זעלטן געהויבענע שבת אינאיינעם מיט די חסידים, נאך א צייט אפשניט פון לענגערע יארן וואס דער רבי האט שוין נישט געפראוועט א שבת אין שטאט, און פארט שוין היינט נישט ארום פראווענען שבתים אין אנדערע שטעט.
לכבוד דעם גרויסן שבת איז ארויסגעדינגען געווארן די גרויסע ויואל משה זאל אין צענטער פון שטאט, וואס געפונט זיך ממש אקעגן איבער די היסטארישע און אור אלטע סקווירא שטיבל "צמח דוד" אויף בעדפארד עוועניו אין וויליאמסבורג, דארט וועט געפראוועט ווערן די תפילות, באטע פרייטאג צונאכטס, סעודות שבת קודש, און שלש סעודות ברוב עם הדרת מלך.
דאנערשטאג נאכט וועט פארקומען א מסיבת קבלת פנים לכבודו פונעם חשובן גאסט, אין זאל אהל לאה אויף ספענסער סטריט, די סעודה פרייטאג צונאכטס וועט זיין געווידמעט פאר די עלטערע אינגעלייט פון די קהילה, און די סעודה שבת אינדערפרי וועט זיין געווידמעט ספעציעל פאר די הונדערטער בחורי חמד חסידי סקווירא אין וויליאמסבורג.
