שווערע נייעס קומט אריין פונעם ווייטן לאנד איראן, אז א צוואנציג יעריגער איד איז ליידער פאראורטיילט געווארן מיט טויט שטראף, וואס איז אין פלאן צו ווערן אויסגעפירט דעם שבת דורך די ארטיגע אינסטאנצן.
דער איד ווערט באשולדיגט אין זיין פארמישט אין א געפעכט פון וואס א איראנער בירגער איז אומגעקומען, די ארטיגע פאליציי האט ארעסטירט דעם איד דערויף, און יענעמ'ס משפחה פארלאנגט טויט שטראף פון דעם איד, וואס לויט זיי איז ער דער שולדיגער אין די טויט פון זייער'ס א פאמיליע מיטגליד.
לויט די ארטיגע געזעץ קען מען אויסטוישן טויט שטראף מיט א גרויסע סומע געלט, אבער בלויז אויב די פאמיליע וואס קלאגט אן שטימט צו, און דערווייל איז יענע פאמיליע נישט גרייט אנצונעמען א געלט שטראף.
אפילו חרב חדה מונחת על צווארו של אדם אל ימנע עצמו מן הרחמים, כלל ישראל איז מתפלל פאר נתנאל בן ציונה, ער זאל נאך באפרייט ווערן לעבעדיגערהייט און געראטעוועט ווערן בקרוב.
