א גאר שווערע עקסידענט האט פאסירט נעכטן ביינאכט אין די ניו סיטי געגנט נעבן מאנסי, וואו א חסידישע בחור רייזנדיג אויף מאטארביציקל איז ל"ע אראפגעקלאפט געווארן דורך א קאר, און קריטיש פארוואונדעט געווארן אויפן פלאץ.
דער בחור איז געפארן מיט א מאטארביציקל אויף וועסט קלארקסטאון ראוד אין ניו סיטי, ווען א פארבייפארנדע קאר האט אים אראפגעקלאפט, ער איז אראפגעפאלן און געליטן שרעקליכע וואונדן, ער האט פארלוירן זיין באוואוסטזיין און געדארפט צוקומען צו דריגענדע מעדיניצישע באהאנדלונגען. הצלה האט אים אפגעפירט צו די וועסטשעסטער שפיטאל, וואו דורכאויס די נאכט איז ב"ה אנטשטאנען א לייכטע פארבעסערונג, ער איז שוין אויף און רעאגירט ב"ה.
כלל ישראל איז מתפלל אז ער זאל זיך גענצליך ערהוילן מיטן אויבערשטנס הילף, אהרן בן ריזל יהודית לרפואה שלימה.
