די יהדות הגולה אנטפאנגט בכבוד הראוי כ"ק אדמו"ר ממבקשי אמונה שליט"א, וועלכער איז אנגעקומען צוגאסט אין ניו יארק אויף א ביקור חיזוק, מרעיף זיין טללי תחיה אויף די לאקאלע אידנטום, און מקרב זיין אידישע קינדער לאביהם שבשמים כדרכו בקודש.
דעם דינסטאג איז דער רבי אנגעקומען קיין וויליאמסבורג, און אויפגענומען דעם ציבור בבית האכסניא אין שטוב פון הרה"ח ר' נחום זינגער הי"ו. היינט איינס אזייגער מיטאג וועט דער רבי אויפטרעטן מיט א שמועס הכנה לחג השבועות קבלת התורה, במסגרת אירגון שיעורי תורה אין ביהמ"ד קארלין סטאלין אין בארא פארק.
היינט אויפדערנאכט וועט דער רבי ארויספארן צו די אוקענוויין געגנט אין לעיקוואד, וואו עס וועט געפראוועט ווערן א געהויבענע שבת ברוב עם הדרת מלך, קבלת קהל היינט דאנערשטאג און זונטאג וועט זיין אין שטוב פון הרה"ח ר' ישראל יעקב אייזענבאך הי"ו, די תפילות און טיש פרייטאג צונאכטס וועט פארקומען אין ביהמ"ד שבילי דוד, שחרית שבת אינדערפרי אין ביהמ"ד קאסאן, און שלש סעודות אין ביהמ"ד שפע חיים צאנז קלויזענבורג.
