א פרישע סוקסעספולע און רוחניות'דיגע מקח איז נעכטן מיטוואך געשלאסן געווארן אינעם עיר ואם בישראל בארא פארק, ווען א גרויסע טייל פונעם גרויסן שטח אויף אכצנטע עוועניו ביים ווינקל פון די דריי און פופציגסטע סטריט, איז אריבער אונטער די הענט פון מוסדות סאטמאר בארא פארק, וועלכע וועלן דארט אויפבויען א שפאגל נייע בנין פאר די הויעך שולע פון בית רחל ד'סאטמאר.
די מקח איז געשלאסן געווארן בברכתו ובעידידו פון כ"ק אדמו"ר מסאטמאר שליט"א, מיטן הילף פון די געטרייע הנהלת המוסדות, ובראשם הרב החסיד ר' אהרן וועלץ הי"ו מנהל המוסדות. די גרויסע שטח וואס פארנעמט די גאנצע ברייט פון די אכצנטע עוועניו צווישן 52 און 53, איז אצינד צוטיילט געווארן אויף האלב, און די האלבע לאט אויף די זייט פון 53, וואס אנהאלט גאנצע צוועלף טויזענט סקווער פיס, איז פארקויפט געווארן פאר סאטמאר, און אצינד ווערט געמאכט פלענער אויפצובויען דארט א גרויסע בנין פאר די בית רחל הויעך שולע, א פראיעקט וואס איז ערווארטעט צו קאסטן ארום פערציג מיליאן דאללער!
