פריידיגע געפילן הערשט ביי קרית יואל'ע איינוואוינער, ווען אין די יעצטיגע טעג איז פולקאם פארענדיגט געווארן א גרויס טייל פון די שפאגל נייע דעוועלאפמענט "עיקערס ענקלעיוו", וואס געפונט זיך ביים ווינקל פון עיקערס ראוד און בעיקערטאן.
די בוי ארבעט ביי די נייע דעוועלאפמענט האט זיך שוין אנגעהויבן עטליכע יאר צוריק, ווען דורכאויס די צייט האט מען געבויעט צענדליגע הייזער צו לינדערן די שווערע דירות קריזיס וואס הערשט אין קרית יואל, מען האט געבויעט ניין און צוועלף פעמילי הייזער און עס פארקויפט פאר היימישע אידן איינוואוינער אין שטעטל, און אזעלכע וואס גרייטן זיך אצינד זיך אריבערצוציען קיין קרית יואל.
אין די יעצטיגע טעג איז פולקאם פארענדיגט געווארן די ערשטע טייל דעוועלאפמענט וואס געפונט זיך הארט נעבן די עקזיסטירנדע שכונת ברך משה, און די ערשטע פאר משפחות האבן זיך אריינגעצויגן אין א מזל'דיגע שעה, אויפמאכנדיג א נייע טיר אין קרית יואל'ס היסטאריע.
