א העלישע פייער האט אויסגעבראכן אין א באוואוינטע געביידע אין ירושלים עיר הקודש, אין די בית ישראל געגנט נעבן מאה שערים, די פייער ברענט אין עטליכע אידישע דירות, און פייערלעשער ארבעטן אראפצוקלאפן די פלאמען.
פילע איינוואוינער זענען געווען פארכאפט אין די געביידע, און דורכגייער אויפן גאס וועלכע האבן באמערקט די פלאמען זענען שנעל ארויפגעקראכן אויפן פארטש ארויסצוראטעווען די פארכאפטע איינוואוינער. מיטן אויבערשטנס הילף איז יעדער ארויס באצייטנס, און די פייערלעשער ארבעט צו פארלעשן די פייער, וואס ברענגט אן א געדעכטע רויעך אין די גאנצע געגנט.
