א באס עקסידענט האט פאסירט היינט נאכמיטאג נישט ווייט פון מחנה אהל ברוך קראסנא אויף אנאוואנע לעיק, וואו א באס אנגעפולט מיט קינדער האט אריינגעקראכט אין א בוים, און עטליכע קינדער האבן געליטן לייכטע וואונדן.
די באס פון קראסנא קעמפ איז ארויסגעפארן פון קעמפ אהיימצופירן די קינדער נאכן ענדיגן די לימודים פריער ווי געווענליך צוליב ערב תשעה באב, ממש אנהייב וועג האט א ווילדע הערש אדורכגעלאפן די גאס, און דער דרייווער וועלכער האט פרובירט אויסצומיידן די הערש האט פארלוירן קאנטראל און אריינגעקראכט אין א בוים. הצלה איז אלארמירט געווארן אויפן סצענע און באהאנדלט עטליכע קינדער וואס האבן געליטן לייכטע וואונדן, און זענען אפגעפירט געווארן צו לאקאלע שפיטעלער פאר באהאנדלונגען.
